നടൻ ഷാജി തിലകന്റെ വീട് തെങ്ങുവീണ് തകർന്നു

ചാലക്കുടി; സീരിയൽ നടനും നടൻ തിലകന്റെ മകനുമായ ഷാജി തിലകന്റെ വീട് തെങ്ങുവീണ് തകർന്നു. കനത്ത മഴയിലും കാറ്റിലുമാണ് അപകടമുണ്ടായത്. പരിയാരം കടുങ്ങാടുള്ള വീടാണ് തകർന്നത്. ഓടുമേഞ്ഞ ഇരുനില വീടിനുമുകളിൽ തെങ്ങുവീണതോടെ ഓടും മരക്കഷ്ണങ്ങളും വീടിനുള്ളിൽ പതിച്ചു. എന്നാൽ വീട്ടുകാർക്ക് പരിക്കില്ല. അപകട സമയത്ത് തിലകന്റെ ഭാര്യ ശാന്ത, ഷാജിയുടെ ഭാര്യ ഇന്ദിര, മകൾ അഭിരാമി എന്നിവർ വീട്ടിലുണ്ടായിരുന്നു. കഴിഞ്ഞ മാർച്ചിലാണ് ഷാജി തിലകൻ അന്തരിച്ചത്. സീരിയലിലൂടെയാണ് ഷാജി തിലകൻ ശ്രദ്ധേയനാകുന്നത്.