'നമുക്കെന്താണ് പറയാൻ കഴിയുക?, സുപ്രിംകോടതി വിധിയല്ലേ' ; ശബരിമല വിഷയത്തിൽ കൈമലർത്തി കേന്ദ്രസർക്കാർ

ന്യൂഡല്‍ഹി : ശബരിമല വിഷയത്തിൽ കൈമലർത്തി കേന്ദ്രസർക്കാർ. ശബരിമലയിൽ യുവതികളെ പ്രവേശിപ്പിക്കാൻ സുപ്രിംകോടതിയാണ് വിധിച്ചത്. ഇതിൽ നമുക്കെന്താണ് പറയാൻ കഴിയുകയെന്ന് രാജ്നാഥ് സിം​ഗ് ചോദിച്ചു. എക്കണോമിക്സ് ടൈംസിന് നൽകിയ അഭിമുഖത്തിലാണ് രാജ്നാഥ് സിം​ഗിന്റെ പ്രതികരണം. 

ശബരിമലയില്‍ അരങ്ങേറുന്ന സംഭവവികാസങ്ങളെക്കുറിച്ച് ശനിയാഴ്ച കേരള ഗവര്‍ണര്‍ പി സദാശിവവുമായി ചര്‍ച്ച നടത്തിയിരുന്നു.  അവിടെ നടക്കുന്ന പ്രശ്‌നങ്ങള്‍ ഒരു വിഭാഗത്തിന്റെ വികാരങ്ങളെ വൃണപ്പെടുത്തിയിട്ടുണ്ട്. ഈ വിഷയത്തില്‍ എല്ലാ കാര്യങ്ങളും ചെയ്യേണ്ടത് സംസ്ഥാന സര്‍ക്കാരാണെന്നും അഭിമുഖത്തില്‍ രാജ്‌നാഥ് സിങ് പറഞ്ഞു.