നവജാതശിശു മരിച്ചു ; പോളിയോ വാക്‌സിനിലെ അപാകതയെന്ന് ആരോപണം

കോഴിക്കോട് : കോഴിക്കോട് നവജാത ശിശുമരിച്ചത് പോളിയോ വാക്സിനിടെ അപാകത മൂലമെന്ന് ആരോപണം. പുതുപ്പാടി ഈങ്ങാപ്പുഴ  സ്വദേശി അബ്ദുസലാമിന്റെ മകൾ ഫാത്തിമ കിസ്‌വ ആണ് മരിച്ചത്. 

ചൊവ്വാഴ്ച രാവിലെയാണ് കുഞ്ഞിന് പോളിയോ വാക്‌സിന്‍ നല്‍കിയത്. ഇന്ന് രാവിലെ ആയതോടെ കുട്ടിയുടെ മൂക്കിൽ നിന്നും വായിൽ നിന്നും രക്തം വന്ന നിലയിൽ കണ്ടെത്തുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 53 ദിവസമാണ് കുട്ടിയുടെ പ്രായം.

 ഈങ്ങാപ്പുഴയിലെ സ്വകാര്യ ആശുപത്രിയിലും കോഴിക്കോട് മെഡിക്കൽ കോളെജിലും കുട്ടിയെ ചികിത്സയ്ക്കായി എത്തിച്ചിരുന്നു.  മൃതദേഹം പോസ്റ്റ് മോർട്ടത്തിനായി മാറ്റി. റിപ്പോർട്ട് വന്ന ശേഷം മാത്രമേ മരണകാരണം സ്ഥിരീകരിക്കാനാവൂവെന്ന് ആശുപത്രി അധികൃതർ വ്യക്തമാക്കി.