കോഴിക്കോട്: നിപ്പാ വൈറസ് ബാധയെത്തുടര്‍ന്നുള്ള മുന്‍കരുതലിന്റെ ഭാഗമായി തലശ്ശേരി കോടതിയിലും നിയന്ത്രണമേര്‍പ്പെടുത്താന്‍ ധാരണ. ഒരാഴ്ചത്തേക്ക് കോടതി പ്രവര്‍ത്തനങ്ങളില്‍ നിയന്ത്രണമേര്‍പ്പെടുത്താന്‍ ധാരണയായി. ജില്ല മെഡിക്കല്‍ ഓഫിസറുടെ നേതൃത്വത്തില്‍ നടത്തിയ ചര്‍ച്ചയിലാണ് തീരൂമാനം.
ജൂണ്‍ നാലുമുതല്‍ ആരോഗ്യസര്‍വകലാശാല നടത്താനിരുന്ന എല്ലാ തീയറി പരീക്ഷകളും മാറ്റിവച്ചു. കോഴിക്കോട്,മലപ്പുറം,വയനാട് ജില്ലകളില്‍ നടത്താനിരുന്ന പ്രാക്ടിക്കല്‍ പരീക്ഷകളും മാറ്റിവച്ചു. സാങ്കേതിക സര്‍വകലാശാല പരീക്ഷകളും മാറ്റിവച്ചിട്ടുണ്ട്.
നിപ്പ വൈറസ് ബാധയെത്തുടര്‍ന്ന് കോഴിക്കോട് ജില്ലാ കോടതി ജീവനക്കാരന്‍ മരിച്ച സാഹചര്യത്തില്‍ കോടതി സമുച്ചയത്തില്‍ തിരക്ക് ഏറെയുള്ള കോടതികളുടെ പ്രവര്‍ത്തനം ജൂണ്‍ ആറ് വരെ നിറുത്തി വെക്കാന്‍ ഹൈക്കോടതി രജിസ്ട്രാര്‍ നിര്‍ദേശം നല്‍കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
