പത്തനംതിട്ട: ശബരിമലയില്‍ റിപ്പോര്‍ട്ടിങ്ങിന് എത്തിയ വനിതാ മാധ്യമ പ്രവര്‍ത്തകരെ പ്രതിഷേധക്കാര്‍ തടഞ്ഞു. നിലയ്ക്കലില്‍ വച്ച് കെഎസ്ആര്‍ടിസി ബസ് തടഞ്ഞ പ്രതിഷേധക്കാര്‍ മാധ്യമ പ്രവര്‍ത്തകരെ ഇറക്കിവിടുകയായിരുന്നു.
ദേശീയ മാധ്യമങ്ങളുടെ പ്രതിനിധികളും ജേണലിസം വിദ്യാര്‍ഥികളുമാണ് ബസില്‍ ഉണ്ടായിരുന്നത്. പ്രതിഷേധക്കാര്‍ ബസില്‍ കയറി പരിശോധന നടത്തി ഇവരെ ഇറക്കിവിടുകയായിരുന്നു. പമ്പയ്ക്ക് അപ്പുറത്തേക്ക് യുവതികളെ കടത്തിവിടില്ലെന്ന നിലപാടിലാണ് പ്രതിഷേധക്കാര്‍.
നേരത്തെ തന്നെ നിലയ്ക്കലില്‍ സ്ത്രീകള്‍ ഉള്‍പ്പെടെയുള്ള പ്രതിഷേധക്കാര്‍ തമ്പടിച്ചിട്ടുണ്ട്. നാളെ ശബരിമല നട തുറക്കാനിരിക്കെ ഇവര്‍ ബസുകള്‍ തടഞ്ഞ് പരിശോധന നടത്തുകയാണ്. അതിനിടെ കൂടുതല്‍ പ്രതിഷേധക്കാര്‍ നിലയ്ക്കലിലേക്ക് എത്തിക്കൊണ്ടിരിക്കുന്നതായും റിപ്പോര്‍ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
