കൊച്ചി : സഹോദരന്‍ ശ്രീജിവിന്റെ കസ്റ്റഡിമരണം സിബിഐ അന്വേഷിക്കണമെന്ന് ആവശ്യപ്പെട്ട് ശ്രീജിത്ത് നടത്തുന്ന സമരത്തിന് പിന്തുണയുമായി കേരള ബ്ലാസ്റ്റേഴ്‌സ് താരം സി കെ വിനീത്. ഫേസ്ബുക്ക് പോസ്റ്റിലൂടെയാണ് വിനീത് പിന്തുണ അറിയിച്ചത്.
'നീതിക്ക് വേണ്ടിയുള്ള പോരാട്ടത്തില്‍ ഞങ്ങളും പങ്ക്‌ചേരുന്നു. നീതി ലഭിക്കും വരെ പോരാടാം.' സി കെ വിനീത് ഫേസ്ബുക്ക് പോസ്റ്റില്‍ കുറിച്ചു. മുംബൈ എഫ്‌സിക്കെതിരെ ബ്ലാസ്റ്റേഴ്‌സ് ഏകപക്ഷീയമായ ഒരു ഗോളിന് വിജയിച്ചിരുന്നു. ഈ വിജയം ശ്രീജിത്തിന് സമര്‍പ്പിക്കുന്നു എന്നും വിനീത് പോസ്റ്റില്‍ വ്യക്തമാക്കി. വിനീതും ബ്ലാസ്റ്റേഴ്‌സ് സഹതാരം റിനോ ആന്റോയും ചേര്‍ന്നുള്ള ചിത്രവും ഫേസ്ബുക്ക് പോസ്റ്റില്‍ ചേര്‍ത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
