നെടുങ്കണ്ടം കസ്റ്റഡി കൊലപാതകം: ഒളിവിലുള്ള പൊലീസുകാര്‍ അന്വേഷണസംഘത്തിന്റെ നിരീക്ഷണത്തില്‍, അറസ്റ്റ് ഉടനെന്ന് സൂചന

തിരുവനന്തപുരം: നെടുങ്കണ്ടം കസ്റ്റഡി കൊലപാതകത്തില്‍ രണ്ടും മൂന്നും പ്രതികളുടെ അറസ്റ്റ് നടപടികള്‍ വേഗത്തിലാക്കാന്‍ ക്രൈംബ്രാഞ്ച് പ്രത്യേക അന്വേഷണ സംഘം. പ്രതികള്‍ ഇരുവരും അന്വേഷണസംഘത്തിന്റെ  നിരീക്ഷണത്തിലാണെന്നും ഇന്നോ നാളെയെ അറസ്റ്റ് ഉണ്ടാകുമെന്നാണ് സൂചന. 

ഇതിനിടെ അറസ്റ്റിലായ എസ്‌ഐ സാബുവിന്റെയും, സിപിഒ സജീവ് ആന്റണിയുടെയും ജാമ്യാപേക്ഷ ഇന്ന് പീരുമേട് കോടതി പരിഗണിക്കും. ഈ സാഹചര്യത്തില്‍ ജാമ്യം കിട്ടാന്‍ ഇടയില്ലെന്നാണ് സൂചന. അതേസമയം രാജ്കുമാറിന്റെ മരണത്തില്‍ സാമ്പത്തിക തട്ടിപ്പ് അന്വേഷണവും പുരോഗമിക്കുകയാണ്. നിക്ഷേപകരില്‍ നിന്ന് വിവരങ്ങള്‍ ശേഖരിക്കുകയാണ് അന്വേഷണ സംഘമിപ്പോള്‍. 

കോണ്‍ഗ്രസിന്റെ എസ്പി ഓഫീസ് മാര്‍ച്ചും ഇന്നു നടക്കും.  എസ്പിക്കെതിരെ നടപടിയെടുക്കുന്നത് വരെ പ്രക്ഷോഭ പരിപാടികള്‍ തുടരുമെന്നാണ് കോണ്‍ഗ്രസ് പക്ഷം.