ന​ട​വ​ര​വ് കു​റ​ഞ്ഞ​ത് സ​ർ​ക്കാ​രി​നെ ബാ​ധി​ക്കി​ല്ല; ദേവസ്വം ബോർഡ് ജീവനക്കാരുടെ ശമ്പള-ആനുകൂല്യങ്ങളിൽ പ്രതിസന്ധിക്ക് സാധ്യത; ആവശ്യമെങ്കിൽ സർക്കാർ സഹായിക്കുമെന്ന് മന്ത്രി കടകംപള്ളി സുരേന്ദ്രൻ

തി​രു​വ​ന​ന്ത​പു​രം: ശ​ബ​രി​മ​ല​യി​ൽ ന​ട​വ​ര​വ് കു​റ​ഞ്ഞ​ത് സ​ർ​ക്കാ​രി​നെ ബാ​ധി​ക്കി​ല്ലെ​ന്ന് ദേ​വ​സ്വം​മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ. എ​ന്നാ​ൽ ഇ​ത് ദേ​വ​സ്വം ബോർഡിന്റെ പ്രവർത്തനത്തെ ബാധിക്കും. ദേവസ്വം  ബോ​ർ​ഡി​ലെ ശ​മ്പ​ളം, പെ​ൻ​ഷ​ൻ, ആനുകൂല്യങ്ങൾ എ​ന്നി​വയിൽ പ്രതിസന്ധി ഉണ്ടാകും. ​ അത്തരം ഒരു പ്രതിസന്ധി വന്നാൽ സർക്കാർ സഹായിക്കും. എന്തായാലും അവരെ സർക്കാർ ഉപേക്ഷിക്കില്ലെന്നും മന്ത്രി പറ‍ഞ്ഞു. 

നടവരവ് കുറയ്ക്കുക എന്നത് ആർഎസ് എസ്-സംഘപരിവാർ-ബിജെപി ലക്ഷ്യമാണ്. അതിനുവേണ്ടിയാണ് അവർ ശബരിമലയുടെ പ്രക്ഷോഭകേന്ദ്രം സന്നിധാനമാക്കി മാറ്റിയത്. ശബരിമലയിലെ സംഘർഷവുമായി ബന്ധപ്പെട്ടുള്ള ആകുലതയും ഭയവും വിശ്വാസികൾക്കിടയിലുണ്ടായി. ഇത് ഭക്തരുടെ വരവിനെ ബാധിച്ചു. ഇപ്പോൾ ഇത് കുറയുകയാണ്. സമാധാനപരമായി ശബരിമല ദർശനത്തിനുള്ള സാഹചര്യം ഉണ്ടായിട്ടുണ്ട്. ഈ സാഹചര്യത്തിൽ വ​രും ദി​വ​സ​ങ്ങ​ളി​ൽ ശ​ബ​രി​മ​ല​യി​ലെ ന​ട​വ​ര​വ് വ​ർ​ധി​ക്കു​മെ​ന്നാ​ണ് പ്ര​തീ​ക്ഷ​യെ​ന്നും മ​ന്ത്രി പ​റ​ഞ്ഞു. 

മ​ണ്ഡ​ല​കാ​ല തീ​ർ​ഥാ​ട​നം ആ​രം​ഭി​ച്ച് ഒ​രാ​ഴ്ച പി​ന്നി​ടു​മ്പോ​ൾ വ​രു​മാ​ന​ത്തി​ൽ മു​ൻ വ​ർ​ഷ​ത്തെ അ​പേ​ക്ഷി​ച്ചു 14.34 കോ​ടി രൂ​പ​യു​ടെ കു​റ​വു​ണ്ടെ​ന്നാണ് ദേ​വ​സ്വം ബോ​ർ​ഡ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. വ്യാ​ഴാ​ഴ്ച വ​രെ​യു​ള്ള ആ​കെ വ​രു​മാ​നം 8.48 കോ​ടി രൂ​പ മാ​ത്ര​മാ​ണ്. ക​ഴി​ഞ്ഞ വ​ർ​ഷം ആ​റു ദി​വ​സ​ത്തി​നു​ള്ളി​ൽ 22.82 കോ​ടി രൂ​പ ല​ഭി​ച്ചി​രു​ന്നു. ക​ണ​ക്കു​ക​ൾ ദേ​വ​സ്വം ബോ​ർ​ഡ് ഒൗ​ദ്യോ​ഗി​ക​മാ​യി പു​റ​ത്തു​വി​ട്ടി​ട്ടി​ല്ലെ​ങ്കി​ലും കു​റ​വി​നെ സം​ബ​ന്ധി​ച്ചു ദേ​വ​സ്വം വ​കു​പ്പി​നെ​യും അ​റി​യി​ച്ചി​ട്ടു​ണ്ട്. തീ​ർ​ഥാ​ട​ക​രു​ടെ എ​ണ്ണ​ത്തി​ലു​ണ്ടാ​യ വ​ൻ കു​റ​വാ​ണ് ഇ​തി​നു കാ​ര​ണ​മാ​യി ചൂ​ണ്ടി​ക്കാ​ട്ടു​ന്ന​ത്. നി​യ​ന്ത്ര​ണ​ങ്ങ​ളും സം​ഘ​ർ​ഷ​ങ്ങ​ളുമാണ് ഭക്തരുടെ വരവ് കുറയാൻ ഇടയാക്കിയതെന്ന് ദേവസ്വം ബോർഡും വിലയിരുത്തുന്നു.