പത്തനംതിട്ടയിൽ മദ്യപിച്ചെത്തിയ മരുമകൻ മർദ്ദിച്ചു; വൃദ്ധന് ദാരുണാന്ത്യം

പത്തനംതിട്ട: മദ്യപിച്ച് വീട്ടിൽ എത്തിയ മരുമകന്റെ മർദ്ദനമേറ്റ് വൃദ്ധൻ മരിച്ചു. കുളനട കൈപ്പുഴ പരുത്തിക്കാലായിൽ മനോജ് നിവാസിൽ താമസിക്കുന്ന കൃഷ്ണൻ നായർ (80) ആണ് മരിച്ചത്.

ശനിയാഴ്ച രാത്രി 10 മണിക്കാണ് സംഭവം നടന്നത്. സംഭവത്തിൽ മരുമകൻ മനോജ് കുമാറിനെ (44) പന്തളം പൊലീസ് അറസ്റ്റ് ചെയ്തു. സ്ഥിരമായി മദ്യപിച്ച് എത്തുന്ന മനോജ് ഭാര്യയെയും മക്കളെയും മർദ്ദിച്ചിരുന്നുവെന്ന് പൊലീസ് പറയുന്നു.