പത്രാധിപന്‍മാരെ ഒരുവര്‍ഷം തടവിന് ശിക്ഷിച്ച് കര്‍ണാടക നിയമസഭ

ബാംഗ്ലൂര്‍: രണ്ട് കന്നട ടാബ്ലോയിഡുകളുടെ പത്രാധിപന്‍മാരെ കര്‍ണാടക നിയമസഭാ സ്പീക്കര്‍ ഒരുവര്‍ഷത്തെ തടവിന് ശിക്ഷിച്ചു. എംഎല്‍എ മാര്‍ക്കെതിരെ അപകീര്‍ത്തികരമായ വാര്‍ത്ത നല്‍കിയതിനാണ് ശിക്ഷ. പതിനായിരം രൂപ പിഴയും നല്‍കണം. രവി ബെല്‍ഗാരെയും അനില്‍ രാജു എന്നിവരാണ് ശിക്ഷിക്കപ്പെട്ട പത്രാധിപര്‍

കോണ്‍ഗ്രസ് എംഎല്‍എ സിരഗുപ്പ നാഗരാജ്, ബിജെപി എംഎല്‍എ എസ്ആര്‍ വിശ്വനാഥിനെതിരെയുമായിരുന്നു അപകീര്‍ത്തികരമായ വാര്‍ത്തകള്‍ പ്രചരി്പ്പിച്ചത്.  എംഎല്‍എ മാരുടെ പരാതിയില്‍ അസംബ്ലി ഒരു പ്രിവിലേജ് കമ്മറ്റിയെ ചുമതലപ്പെടുത്തിയിരുന്നു. അതിന്റെ അടിസ്ഥാനത്തിലാണ് ശിക്ഷിക്കാനുള്ള തീരുമാനം. പതിനായിരം രൂപ പിഴയടയ്ക്കുന്നില്ലെങ്കില്‍ ആറ് മാസം കൂടി തടവുശിക്ഷ അനുഭവിക്കണം.