കറുകച്ചാല്‍: പയര്‍ കൃഷിക്കുള്ളില്‍ അനധികൃത മദ്യവില്‍പ്പന നടത്തി കൃഷിയുടമയെ പൊലീസ് പിടികൂടി. പരിയാരം വെമ്പാല മുരളി(56) ആണ് പൊലീസ് പിടിയിലായത്.
പാട്ടത്തിനെടുത്ത ഭൂമിയിലായിരുന്നു ഇയാളുടെ പയര്‍ കൃഷി. കോട്ടയം-കൈതേപ്പാലം റോഡിലെ കൈതമാവിലെ കൃഷിയിടത്തില്‍ ഇയാള്‍ അനധികൃത മദ്യവില്‍പ്പനയും നടത്തി വന്നു. എന്നാല്‍ ഇതിനെ കുറിച്ച് സൂചന ലഭിച്ചതോടെ വാകത്താനം പൊലീസ് ഇയാളെ വലയിലാക്കി.
ഏറെ നാളായി ഇയാള്‍ ഈ വിധം മദ്യവില്‍പ്പന നടത്തി വരികയായിരുന്നു. മദ്യം വാങ്ങിയ ശേഷം ഇയാള്‍ പയര്‍ കൃഷിക്കുള്ളില്‍ ഒളിപ്പിച്ചു വയ്ക്കുകയും, ആവശ്യക്കാര്‍ക്ക് ഊറ്റി വില്‍പ്പന നടത്തി വരികയുമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
