പിറവം: സ്വന്തം ഭവനത്തില്നിന്ന് ഇറങ്ങിപ്പോവണം എന്നു പറയുന്നതിനു തുല്യമാണ് പിറവം പള്ളിയില്നിന്ന് ഇറങ്ങണമെന്ന് യാക്കോബായ വിശ്വാസികളോടു പറയുന്നതെന്ന് സഭാ നേതൃത്വം. വിശ്വാസത്തിന്റെ പേരില് ജയിലില് പോകാനും തയാറാണെന്ന് ജോസഫ് മാര് ഗ്രിഗോറിയോസ് പറഞ്ഞു.
യാക്കോബായ വിഭാഗം വിശ്വാസപ്രാര്ഥനാസമരമാണ് നടത്തുന്നതെന്ന് ജോസഫ് മാര് ഗ്രിഗോറിയോസ് പറഞ്ഞു. വിശ്വാസി സമൂഹത്തിന്റെ വേദന നീതിപീഠം കാണാതിരിക്കരുത്. പൊലീസിന്റെയും ജില്ലാ ഭരണകൂടത്തിന്റെയും പരിമിതി ബോധ്യമുണ്ടെന്നും അദ്ദേഹം പറഞ്ഞു.
വിശ്വാസ സംരക്ഷണത്തിനായി കൂടിയിട്ടുള്ള ഒരാള്ക്കും ഒരു പോറല് പോലും ഏല്ക്കില്ല. മുന്കാലങ്ങളില് അങ്ങനെ ഉണ്ടായിട്ടുണ്ട്. ഇക്കുറി അത് ഒഴിവാക്കാനാണ് സഭാ നേതാക്കള് തന്നെ മുന്നില് നില്ക്കുന്നതെന്ന് മാര് ഗ്രിഗോറിയോസ് വ്യക്തമാക്കി.
ശ്രേഷ്ഠ കാതോലിക്കയും മെത്രാപ്പോലീത്തമാരും ഉള്പ്പെടെ പള്ളിയില് തുടരുകയാണ്. പളളിയിലുളളവരെ അറസ്റ്റ് ചെയ്ത് നീക്കാനള്ള ഹൈക്കോടതി നിര്ദേശത്തെക്കുറിച്ച് പൊലീസ് യാക്കോബായ നേതാക്കള്ക്ക് അറിയിപ്പു നല്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
