പീഡന ദൃശ്യത്തെക്കുറിച്ചുള്ള വാര്‍ത്തകള്‍ മാധ്യമ മൂല്യങ്ങളുടെ ലംഘനമെന്ന് വിമന്‍ ഇന്‍ സിനിമ കളക്ടിവ്, നിയമ നടപടി സ്വീകരിക്കുമെന്ന് മുന്നറിയിപ്പ്

കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട് പൊലീസിനു ലഭിച്ച ദൃശ്യങ്ങളെ സംബന്ധിച്ച് പത്രങ്ങളിലും ടെലിവിഷനിലും ഓണ്‍ലൈന്‍ മാധ്യമങ്ങളിലും വരുന്ന വാര്‍ത്തകള്‍ മാധ്യമ പ്രവര്‍ത്തനത്തിന്റെ മൂല്യങ്ങളുടെ ലംഘനമാണെന്ന് വിമന്‍ ഇന്‍ സിനിമ കളക്ടിവ്. വായനക്കാരെ ത്രസിപ്പിച്ച് വാര്‍ത്ത കച്ചവടം ചെയ്യാന്‍ ഉദ്ദേശിക്കുന്നവര്‍ മാന്യതയോടെയും മര്യാദയോടെയും ഈ വിഷയത്തെ കൈകാര്യം ചെയ്യുന്നില്ലാ എങ്കില്‍ അത്തരം റിപ്പോര്‍ട്ടുകള്‍ക്കും മാധ്യമ സ്ഥാപനങ്ങള്‍ക്കുമെതിരേ നിയമ നടപടികള്‍ സ്വീകരിക്കേണ്ടി വരുമെന്ന് സംഘടന മുന്നറിയിപ്പു നല്‍കി. സര്‍ക്കാരും പൊലീസ് സംവിധാനങ്ങളും ഇക്കാര്യത്തില്‍ കൂടുതല്‍ ജാഗ്രത പാലിക്കണമെന്നും വിമന്‍ ഇന്‍ സിനിമ കളക്ടിവ് ആവശ്യപ്പെട്ടു.