തിരുവനന്തപുരം : കോവിഡിന്റെ പശ്ചാത്തലത്തില് നിര്ത്തിവെച്ച പെന്ഷന് ലൈഫ് മസ്റ്ററിങ് പുനരാരംഭിക്കുന്നു. ലോക്ക്ഡൗണില് ഇളവുകള് അനുവദിച്ചതോടെയാണ് ട്രഷറികളില് സുരക്ഷാമുന്കരുതലുകളോടെ മസ്റ്ററിങ് പുനരാരംഭിക്കുന്നത്. ജൂലെ 31 ന് മുമ്പ് പൂര്ത്തിയാക്കണമെന്നാണ് നിര്ദേശം.
എല്ലാവര്ഷവും നടത്തേണ്ടതാണ് മസ്റ്ററിങ്. പെന്ഷന് വാങ്ങുന്നയാള് ട്രഷറിയില് നേരിട്ടെത്തുകയോ, ഗസറ്റഡ് ഓഫീസറുടെ സാക്ഷ്യപത്രം സഹിതം മറ്റാരെയെങ്കിലും അയക്കുകയോ ആണ് രീതി. ലോക്ക്ഡൗണ് കാരണം മിക്കവര്ക്കും എത്താന് കഴിയാത്തതിനാലാണ് മസ്റ്ററിങ് നിര്ത്തിവെക്കാന് നേരത്തെ സര്ക്കാര് നിര്ദേശിച്ചത്.
കുടുംബ പെന്ഷന് അടക്കമുള്ള ലൈഫ് മസ്റ്ററിങ് നടത്തുമ്പോള് വിവാഹമോ, പുനര് വിവാഹമോ നടത്തിയിട്ടില്ലെന്ന സാക്ഷ്യപത്രവും നല്കണം. കുടുംബപെന്ഷന് വാങ്ങുന്ന 60 ല് താഴെ പ്രായമുള്ള ജീവിത പങ്കാളിയും അവിവാഹിതരായ പെണ്മക്കളും 18-25 വയസ്സുള്ള മക്കളും വര്ഷം തോറും ലൈഫ് സര്ട്ടിഫിക്കറ്റിനൊപ്പം, വിവാഹമോ പുനര് വിവാഹമോ കഴിച്ചിട്ടില്ലെന്ന സര്ട്ടിഫിക്കറ്റും നല്കണമെന്നാണ് വ്യവസ്ഥ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
