പൊലീസ് ഉദ്യോഗസ്ഥന്റെ വീട്ടിലേക്ക് ഗുണ്ടെറിഞ്ഞു ; സഹോദരി ഭയന്നുമരിച്ചു

കൊച്ചി : പുതുവല്‍സരദിനത്തില്‍ പുലര്‍ച്ചെ പൊലീസ് ഉദ്യോഗസ്ഥന്റെ വീട്ടിലേക്ക് അജ്ഞാതര്‍ ഗുണ്ടെറിഞ്ഞു. ഇതേത്തുടര്‍ന്ന് വീട്ടിലുണ്ടായിരുന്ന സഹോദരി ഭയന്നു മരിച്ചു. മാനസിക വെല്ലുവിളി നേരിടുന്ന, അമ്പാട്ടുകാവ് ചിറ്റേത്ത് വീട്ടില്‍ കണ്ണന്‍കുട്ടിയുടെ മകള്‍ ബേബി(48)യാണ് മരിച്ചത്. ഇവരുടെ സഹോദരനും എടത്തല പൊലീസ് സ്റ്റേഷനിലെ ഡ്രൈവറുമായ കമലാസനന്റെ വീട്ടിലേക്കാണ് അക്രമികള്‍ ഗുണ്ടെറിഞ്ഞത്. 

കമലാസനന് ഒപ്പം കഴിഞ്ഞിരുന്ന ബേബി, ഗുണ്ട് പൊട്ടുന്ന ശബ്ദം കേട്ട് ഭയന്നുവിറച്ച് കട്ടിലില്‍ നിന്നും വീണിരുന്നു. ഈ സമയത്ത് കമലാസനന്‍ ഡ്യൂട്ടിയിലായിരുന്നു. കുമ്പളാംപറമ്പ് സ്വദേശികളായ ചിലരുടെ പേര് സൂചിപ്പിച്ച് ആലുവ പൊലീസില്‍ പരാതി നല്‍കിയിട്ടുണ്ട്. എന്നാല്‍ ആരെയും ഇതുവരെ അറസ്റ്റ് ചെയ്തിട്ടില്ല. ബേബിയുടെ മരണത്തില്‍ ദുരൂഹത ആരോപിച്ച് പരാതി കിട്ടിയിട്ടില്ലെന്ന് പൊലീസ് വ്യക്തമാക്കി.