കായകുളം: പൊലീസ് സ്റ്റേഷനിലെ കാന്റീന്‍ പൂട്ടിക്കാനെത്തിയ നഗരസഭാ ആരോഗ്യ വിഭാഗം ഉദ്യോഗസ്ഥരും പൊലീസുകാരും തമ്മില്‍ ഉന്തും തള്ളും. കായകുളം പൊലീസ് സ്റ്റേഷനിലെ കാന്റീനിലാണ് നാടകീയ സംഭവങ്ങള്‍ അരങ്ങേറിയത്. നഗരസഭാ ചെയര്‍മാന്റെ നിര്‍ദേശപ്രകാരമാണ് ആരോഗ്യവകുപ്പ് ഉദ്യോഗസ്ഥര്‍ സ്റ്റേഷനിലെ കാന്റീന്‍ പരിശോധിക്കാനെത്തിയത്.
എന്നാല്‍ ഉദ്യോഗസ്ഥര്‍ കാന്റീന്‍ പൂട്ടിക്കാനൊരുങ്ങിയതോടെ പ്രതിരോധവുമായി സ്റ്റേഷനിലെ പൊലീസുകാര്‍ എത്തി. ഇതോടെ ഇരുകൂട്ടരും തമ്മില്‍ ഉന്തും തള്ളുമായി. ഒടുവില്‍ പൊലീസുദ്യോഗസ്ഥരുടെ ജോലി തടസപ്പെടുത്താന്‍ ശ്രമിച്ചതിന് ആരോഗ്യവകുപ്പ് ഉദ്യോഗസ്ഥരെ പൊലീസ് കസ്റ്റഡിയിലെടുത്തു.
കഴിഞ്ഞ ദിവസം ഹെല്‍മറ്റ് വയ്ക്കാതെ സഞ്ചരിച്ചതിന് നഗരസഭാ അധ്യക്ഷന്‍ എന്‍.ശിവദാസനെ കായകുളം പൊലീസ് പിടികൂടുകയും അഞ്ഞൂറ് രൂപ പിഴ ഈടാക്കുകയും ചെയ്തിരുന്നു. അതേസമയം അനുവാദമില്ലാതെ കാന്റീന്‍ പ്രവര്‍ത്തിപ്പിക്കുന്നുവെന്ന് നഗരസഭയ്ക്ക് പരാതി ലഭിച്ചതിനെ തുടര്‍ന്നാണ് പരിശോധന നടത്തിയതെന്നാണ് ചെയര്‍മാന്‍ പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
