പ്രളയ ദുരിതം: രക്ഷാപ്രവര്‍ത്തനത്തിന്റെ ഏകോപന ചുമതല അല്‍ഫോണ്‍സ് കണ്ണന്താനത്തിന്

തിരുവനന്തപുരം: പ്രളയ ദുരിതമനുഭവിക്കുന്ന കേരളത്തിന്റെ രക്ഷാപ്രവര്‍ത്തനത്തിന്റെ ഏകോപന ചുമതല കേന്ദ്രമന്ത്രി അല്‍ഫോന്‍സ് കണ്ണന്താനത്തിന്. പ്രധാനമന്ത്രി നരേന്ദ്ര മോദിയാണ് കണ്ണന്താനത്തിനെ ചുമതലപ്പെടുത്തിയത്. ഏഴു മണിയോടെ തലസ്ഥാനത്തെത്തുന്ന കണ്ണന്താനം സെക്രട്ടേറിയറ്റിലെ കണ്‍ട്രോള്‍ റൂമിന്റെ പ്രവര്‍ത്തനത്തില്‍ പങ്കാളിയാകും. കേരളത്തിന് ആവശ്യമായ എല്ലാ സഹായങ്ങളും നല്‍കുമെന്ന് പ്രധാനമന്ത്രി ഉറപ്പുനല്‍കിയതായി അദ്ദേഹം വ്യക്തമാക്കി.