കല്പ്പറ്റ: പ്രായപൂര്ത്തിയാകാത്ത ആണ്കുട്ടികളെ ലൈംഗികമായി പീഡിപ്പിച്ച സംഭവത്തില് ഒളിവിലായിരുന്ന വൈദികന് പിടിയില്.കൊട്ടിയൂര് സ്വദേശിയായ സജി ജോസഫാണ് മംഗലാപുരത്ത് വെച്ച് പിടിയിലായത്. മീനങ്ങാടിക്കടുത്തുള്ള ബാലഭവനിലെ കുട്ടികളാണ് പീഡനത്തിനിരയായത്.
ഇവിടെ വൈദികനായിരുന്ന സജിയുടെ പേരില് പോക്സോ നിയമപ്രകാരം മീനങ്ങാടി പോലീസ് കേസെടുത്തിരുന്നു.
2016-17 അധ്യയന വര്ഷത്തിലാണ് കേസിനാസ്പദമായ സംഭവം.സ്കൂള് അവധിക്കാലത്ത് വൈദികന് ലൈംഗികമായി പീഡിപ്പിച്ചെന്നാണ് ആണ്കുട്ടികള് മൊഴി നല്കിയത്.
ഇതേക്കുറിച്ച് സൂചന ലഭിച്ചതോടെ ചൈല്ഡ് ലൈന് പ്രവര്ത്തകര് കുട്ടികളെ കൗണ്സലിങ്ങിന് വിധേയരാക്കിയതിനെ തുടര്ന്നാണ് പീഡന വിവരം പുറത്തറിഞ്ഞത്. ചൈല്ഡ് ലൈന് നല്കിയ റിപ്പോര്ട്ടിന്റെ അടിസ്ഥാനത്തിലാണ് മീനങ്ങാടി പോലീസ് കുട്ടികളുടെ മൊഴി രേഖപ്പെടുത്തിയത്. സംഭവം നടന്ന ബാലഭവന് ഇപ്പോള് പ്രവര്ത്തിക്കുന്നില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
