തിരുവനന്തപുരം : മിനറല്‍ വാട്ടറിന്റെ കുപ്പി ബ്രേക്ക് പെഡലില്‍ കുരുങ്ങി ഓടികൊണ്ടിരുന്ന കാറിന്റെ നിയന്ത്രണംതെറ്റി. റോഡില്‍ നിന്ന് തെന്നിമാറിയ കാര്‍ മുന്നൂറ് മീറ്റര്‍ അകലെ ഏഴടി പൊക്കത്തിലെ മണ്‍കൂനയില്‍ ഇടിച്ചാണ് നിന്നത്. ആര്‍ക്കും ആളപായമില്ല.
ഇന്നലെ രാത്രി കഴക്കൂട്ടം സൈനിക സ്‌കൂളിന് സമീപമായിരുന്നു അപകടമുണ്ടായത്. കാര്യവട്ടം എല്‍ എന്‍ സി പിയിലെ സൈക്ലിംഗ് വനിതാ കോച്ചും വിദ്യാര്‍ത്ഥികളുമായിരുന്നു കാറിലുണ്ടായിരുന്നത്. ചന്തവിളയില്‍ നിന്നും കഴക്കൂട്ടം ഭാഗത്തേക്ക് പോകുകയായിരുന്നു കാര്‍. റോഡില്‍ വാഹനത്തിരക്കുള്ള സമയത്താണ് അപകടം ഉണ്ടായത്.
വാഹനത്തിന്റെ നിയന്ത്രണം നഷ്ടമായെന്ന് മനസ്സിലാക്കിയ ഡ്രൈവര്‍ കാര്‍ ഒരു വശത്തേക്ക് വെട്ടിത്തിരിച്ചതിനാല്‍ വന്‍ ദുരന്തം ഒഴിവായി. ഏഴടി പൊക്കമുള്ള മണ്‍കൂനയില്‍ ഇടിച്ചുകയറിയാണ് കാര്‍ നിന്നത്. കാറിലുണ്ടായിരുന്നവരെ സമീപത്തെ സ്വകാര്യ ആശുപത്രിയിലെത്തിച്ച് പ്രാഥമിക ചികിത്സ നല്‍കി. അപകടത്തില്‍ കാര്‍ ഭാഗികമായി തകര്‍ന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
