തിരുവനന്തപുരം: ഫോണ് കെണി കേസില് പ്രതിസ്ഥാനത്തുള്ള മാധ്യമ പ്രവര്ത്തക മുന് മന്ത്രി എകെ ശശീന്ദ്രനെതിരെ പരാതിയുമായി കോടതിയെ സമീപിച്ചു. തിരുവനന്തപുരം ചീഫ് ജുഡിഷ്യല് മജിസ്ട്രേറ്റ് കോടതിയിലാണ പരാതി നല്കിയിരിക്കുന്നത്.
ഫോണിലൂടെ നിരന്തരം ശല്യം ചെയ്തു, അശ്ലീല സംഭാഷണം നടത്തി തുടങ്ങിയ കാര്യങ്ങളാണ് പരാതിയില് ഉള്ളത്. കോടതി മാധ്യമ പ്രവര്ത്തകയുടെ മൊഴി രേഖപ്പെടുത്തി.
ക്രൈം ബ്രാഞ്ച് രജിസ്റ്റര് ചെയ്ത കേസില് പ്രതിപ്പട്ടികയിലുള്ള മാധ്യമ പ്രവര്ത്തക രണ്ടുതവണ നോട്ടീസ് നല്കിയിട്ടും ചോദ്യം ചെയ്യാന് ഹാജരായിരുന്നില്ല. ശാരീരിക അസ്വസ്ഥകള് എന്നാണ് ഇവര് പൊലീസ് സംഘത്തെ അറിയിച്ചിരുന്നത്.
മാധ്യമ പ്രവര്ത്തക ഒഴികെയുള്ള പ്രതികള് കഴിഞ്ഞ ദിവസം ക്രൈം ബ്രാഞ്ചിനു മുന്നില് ചോദ്യം ചെയ്യലിനു ഹാജരായിരുന്നു. പതിമൂന്നു മണിക്കൂര് നീണ്ട ചോദ്യം ചെയ്യലിന് ഒടുവിലാണ് സിഇഒ ആര് അജിത് കുമാര് ഉള്പ്പെടെ അഞ്ചു പേരെ ക്രൈം ബ്രാഞ്ച് അറസ്റ്റ് ചെയ്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
