ബാര്‍ ഹോട്ടലുകള്‍ തുറക്കുന്നതില്‍ തീരുമാനമെടുക്കേണ്ടത് കേന്ദ്രസര്‍ക്കാര്‍ : മന്ത്രി ടി പി രാമകൃഷ്ണന്‍

തിരുവനന്തപുരം : ബാര്‍ ഹോട്ടലുകള്‍ തുറക്കുന്നതില്‍ കേന്ദ്രസര്‍ക്കാരാണ് തീരുമാനമെടുക്കേണ്ടതെന്ന് എക്‌സൈസ് മന്ത്രി ടി പി രാമകൃഷ്ണന്‍. കോവിഡ് പ്രതിരോധത്തിന്റെ ഭാഗമായി, കേന്ദ്ര നിര്‍ദേശ പ്രകാരമാണ് ബാറുകള്‍ അടച്ചത്. തുറക്കുന്നത് സംബന്ധിച്ചും കേന്ദ്രസര്‍ക്കാരാണ് തീരുമാനമെടുക്കേണ്ടതെന്ന് മന്ത്രി പറഞ്ഞു.

ബെവ് കോയുടെ വെര്‍ച്വല്‍ ക്യൂ ആപ്പ് എല്ലാക്കാലത്തേക്കും ഉള്ളതാണെന്ന് സര്‍ക്കാര്‍ പറഞ്ഞിട്ടില്ല. കോവിഡിന്റെ പശ്ചാത്തലത്തില്‍ തിരക്ക് നിയന്ത്രിക്കാനുള്ള താല്‍ക്കാലിക സംവിധാനം മാത്രമാണ് ഇതെന്നും എക്‌സൈസ് മന്ത്രി വ്യക്തമാക്കി.

കോവിഡ് പ്രതിരോധത്തിന്റെ ഭാഗമായി രാജ്യവ്യാപക ലോക്ക്ഡൗണ്‍ പ്രഖ്യാപിച്ചതോടെയാണ് സംസ്ഥാനത്തെ ബാറുകളും അടച്ചത്.