കോഴിക്കോട് : ബാറുകളുടെ ദൂരപരിധി സര്‍ക്കാര്‍ കുറച്ചത് കോടിയേരി ബാലകൃഷ്ണന്റെ മകന്‍ ബിനീഷ് കോടിയേരിയെ സഹായിക്കാനാണെന്ന ആരോപണവുമായി മുസ്‌ലിം യൂത്ത് ലീഗ്. ദൂരപരിധി സര്‍ക്കാര്‍ കുറച്ചുകൊണ്ട് തീരുമാനമെടുത്തതിന് പിന്നില്‍ കോടിയേരിയുടെ മകന്‍ ബിനീഷ് കോടിയേരി വൈസ് ചെയര്‍മാനായ സ്വകാര്യ ഗ്രൂപ്പിന്റെ ഹോട്ടലിനെ സഹായിക്കാനാണെന്നും മുസ്‌ലീം യൂത്ത് ലീഗ് ജനറല്‍ സെക്രട്ടറി പി കെ ഫിറോസ് ആരോപിച്ചു.
വിദ്യാഭ്യാസ സ്ഥാപനങ്ങള്‍, ആരാധനാലയങ്ങള്‍ എന്നിവയില്‍ നിന്ന് ബാറുകള്‍ക്ക് ഉണ്ടായിരുന്ന ദൂരപരിധി 200 മീറ്ററില്‍നിന്നു 50 മീറ്ററാക്കിയാണ് സര്‍ക്കാര്‍ ചുരുക്കിയത്. ദൂരപരിധി കുറച്ചതുമായി ബന്ധപ്പെട്ടു യൂത്ത് ലീഗ് വിജിലന്‍സിനു പരാതി നല്‍കും. ബാര്‍ ഹോട്ടല്‍ അടച്ചുപൂട്ടണമെന്നും ഇതിനുപിന്നിലെ അഴിമതി അന്വേഷിക്കണമെന്നും ഫിറോസ് ആവശ്യപ്പെട്ടു.
വിഷയത്തില്‍ കോടിയേരി ബാലകൃഷ്ണനെയും എക്‌സൈസ് മന്ത്രി ടി.പി.രാമകൃഷ്ണനെയും ചോദ്യം ചെയ്താല്‍ അഴിമതി പുറത്തുവരും. ഹോട്ടലിനു മുന്നില്‍ യൂത്ത് ലീഗ് അനിശ്ചിതകാല സമരം ആരംഭിക്കുമെന്നും ഫിറോസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
