കൊച്ചി: ബോധരഹിതനായി റോഡിലേക്ക് വീണ ഓട്ടോഡ്രൈവര്ക്ക് ലോറിക്കടിയില്പെട്ട് ദാരുണാന്ത്യം. പെരുമ്പാവൂര് പോഞ്ഞാശേരി ചെമ്പാരത്തുകുന്ന് മീന്തലയ്ക്കല് വീട്ടില് ജവഹര് (62) ആണ് മരിച്ചത്.
ഇന്നലെ പോഞ്ഞാശേരിയില് വച്ച് രാവിലെ പത്തോടെയാണ് അപകടം.ചെമ്പാരത്തുകുന്ന് മസ്ജിദിന് സമീപത്തെ റോഡരികില് നില്ക്കുകയായിരുന്ന ഓട്ടോെ്രെഡവറായ ജവഹര് പെട്ടെന്ന് ബോധരഹിതനായി റോഡിലേക്ക് വീഴുകയായിരുന്നു. ഈ സമയം സമീപത്തെ ക്രഷറിലേക്ക് ലോഡുമായി പോയ ടിപ്പറിന്റെ പിന്ചക്രം ദേഹത്തുകൂടി കയറിയിറങ്ങി തല്ക്ഷണം മരിക്കുകയായിരുന്നു.
മൃതദേഹം പെരുമ്പാവൂര് താലൂക്ക് ആശുപത്രി മോര്ച്ചറിയിലേക്ക് മാറ്റി. ടിപ്പര് പെരുമ്പാവൂര് പൊലീസ് കസ്റ്റഡിയിലെടുത്തു.
ആലുവ കുന്നത്തേരിയില് നിന്ന് അഞ്ചുവര്ഷം മുമ്പാണ് ജവഹര് പെരുമ്പാവൂരിലേക്ക് താമസം മാറ്റിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
