കൊച്ചി: പിഡിപി നേതാവ് അബ്ദുല്‍ നാസര്‍ മഅദനിയെ സന്ദര്‍ശിച്ച രാഹുല്‍ ഈശ്വറിന് വധഭീഷണി. ഹൈന്ദവ സംഘടനകളുടെ പരിപാടികളില്‍ പങ്കെടുത്താല്‍ തലയടിച്ച് പൊളിക്കുമെന്നാണ് ഭീഷണി.
ആചാര സംരക്ഷണ സമിതി പ്രവര്‍ത്തകനായ രാഹുല്‍ മഅദനിയെ സന്ദര്‍ശിച്ചതിലൂടെ ഹിന്ദുക്കളുടെ മതവികാരം വ്രണപ്പെട്ടുവെന്ന് ആരോപിച്ചാണ് വധഭീഷണി. ബംഗളൂരുവിലേക്ക് മടങ്ങിപ്പോകുന്നതിന് മുന്‍പായിരുന്നു രാഹുല്‍ മഅദനിയെ സന്ദര്‍ശിച്ചത്. മഅദനിക്കൊപ്പമുള്ള ദൃശ്യങ്ങള്‍ രാഹുല്‍ സമൂഹമാധ്യമങ്ങളിലൂടെ ഷെയര്‍ ചെയ്യുകയും ചെയ്തിരുന്നു.
മഅദനിയെ സന്ദര്‍ശിക്കുന്നതിന് മുന്‍പ് ഇസ്ലാം മതം സ്വീകരിച്ച ഹാദിയയേയും കുടുംബത്തേയും രാഹുല്‍ സന്ദര്‍ശിച്ചതും വിവാദമായിരുന്നു. ഹാദിയയുടെ അമ്മയുമായി സംസാരിക്കുന്നതിന്റെ വീഡിയോ രാഹുല്‍ ഫേസ്ബുക്കില്‍ ഷെയര്‍ ചെയ്തിരുന്നു. മാധ്യമപ്രവര്‍ത്തകര്‍ ഉള്‍പ്പെടെയുള്ളവര്‍ക്ക് പ്രവേശനാനുമതി ഇല്ലാത്ത ഇടത്താണ് രാഹുല്‍ എത്തി ഇവരുമായി സംസാരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
