തിരുവനന്തപുരം : ശബരിമലയില് മകരവിളക്ക് തെളിയിക്കാനുള്ള മലയരയരുടെ അവകാശം തിരിച്ചുനല്കണമെന്ന് ഒ രാജഗോപാല് എംഎല്എ. നിയമസഭയില് ശ്രദ്ധക്ഷണിക്കലിലാണ് ബിജെപി എംഎല്എയായ രാജഗോപാല് ഈ ആവശ്യം ഉന്നയിച്ചത്.
മകരവിളക്ക് തെളിയിക്കുന്നതാണെന്ന് സര്ക്കാര് ഔദ്യോഗികമായി എങ്ങും വ്യക്തമാക്കിയിട്ടില്ല. ഇത്രകാലം ഈ രഹസ്യം നമ്മള് സൂക്ഷിക്കുകയായിരുന്നു. ഈ രഹസ്യം പുറത്താക്കുകയാണെന്ന് പാര്ലമെന്ററി കാര്യമന്ത്രി എകെ ബാലന് അഭിപ്രായപ്പെട്ടു. നിങ്ങള് ഇതിനെ തടസ്സപ്പെടുത്തരുതെന്ന് സ്പീക്കര് പി ശ്രീരാമകൃഷ്ണന് നിര്ദേശിച്ചു.
മകരവിളക്ക് തെളിയിക്കുന്നതാണെന്ന് തുറന്നുപറഞ്ഞ രാജഗോപാലിനെ സ്പീക്കര് അഭിനന്ദിച്ചു. രാജഗോപാലിന്റെ ശ്രദ്ധ ക്ഷണിക്കല് ചരിത്രപരമായ നാഴികക്കല്ലെന്നും സ്പീക്കര് വിശേഷിപ്പിച്ചു. മകരവിളക്കിന്റെ സത്യാവസ്ഥ പുറത്തുകൊണ്ടുവരുന്നതാണ് രാജഗോപാലിന്റെ നടപടിയെന്നും സ്പീക്കര് പറഞ്ഞു.
മകരവിളക്ക് തെളിയിക്കുന്ന സമയത്ത് മലയരയ വിഭാഗത്തിന് പ്രാതിനിധ്യം ഉറപ്പാക്കുന്നത് പരിഗണനയിലാണെന്ന് ദേവസ്വം മന്ത്രി കടകംപള്ളി സുരേന്ദ്രന് വ്യക്തമാക്കി. നൂറ്റാണ്ടുകളായി അവിടെ ഗോത്രവിഭാഗങ്ങള് ഇത്തരം ആചാരങ്ങള് നടത്തിയിരുന്നതായും പൂജ നടത്തിയിരുന്നതായും തെളിവുണ്ട്. ഈ തെളിവുകള് പരിശോധിച്ച് മലയരയ വിഭാഗത്തിന് മകരവിളക്ക് തെളിയിക്കുന്ന സമയത്ത് പ്രാതിനിധ്യം ഉറപ്പാക്കുന്നത് പരിഗണിക്കും എന്ന് മന്ത്രി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
