മണിയാര്‍ ബാരേജിന്റെ അഞ്ച് ഷട്ടറുകള്‍ ഉയര്‍ത്തി; പമ്പ, കക്കാട്ടാര്‍ തീരവാസികള്‍ക്ക് ജാഗ്രതാനിര്‍ദേശം

പത്തനംതിട്ട: മണിയാര്‍ ബാരേജിന്റെ അഞ്ച് ഷട്ടറുകള്‍ ഉയര്‍ത്തി. ജലനിരപ്പ് 34.62 മീറ്ററായി ക്രമീകരിക്കുന്നതിന്റെ ഭാഗമായാണ് ഷട്ടറുകള്‍ പത്ത് സെന്റീമീറ്റര്‍ വീതം ഉയര്‍ത്തിയിരിക്കുന്നത്. 

ഇതുമൂലം കക്കാട്ടാറിലെ ജലനിരപ്പ് പരാമാവധി 30 സെന്റീമീറ്ററിന് താഴെ മാത്രം ഉയരുന്നതായിരിക്കുമെന്ന് ജില്ലാ കലക്ടര്‍ അറിയിച്ചു. ഈ സാഹചര്യത്തില്‍ കക്കാട്ടാര്‍, പമ്പയാര്‍ തീരത്ത് താമസിക്കുന്നവരും മണിയാര്‍, വടശ്ശേരിക്കര, റാന്നി, കോഴഞ്ചേരി, ആറന്‍മുള നിവാസികളും ജാഗ്രത പാലിക്കണമെന്ന് കലക്ടര്‍ അറിയിച്ചു.