ചെന്നൈ: മദ്രാസ് ഐഐടിയില്‍ ബീഫ് ഫെസ്റ്റ് സംഘടിപ്പിച്ചതിനെ തുടര്‍ന്ന് ക്രൂരമര്‍ദ്ദനത്തിന് ഇരയായ മലയാളി പിഎച്ചഡി വിദ്യാര്‍ഥി സൂരജിനെതിരെ കേസെടുത്തു. സൂരജിനെ കൂടാതെ ഏഴ് പേര്‍ക്കെതിരേയും പൊലീസ് കേസെടുത്തിട്ടുണ്ട്.
കലാപം അഴിച്ചുവിടുക, തടഞ്ഞുവയ്ക്കല്‍, മര്‍ദ്ദനം എന്നീ കുറ്റങ്ങള്‍ ചുമത്തിയാണ് സൂരജിനെ മര്‍ദ്ദിച്ച എബിവിപി പ്രവര്‍ത്തകര്‍ക്കെതിരെ ചെന്നൈ കോട്ടൂര്‍പുരം പൊലീസ് കേസെടുത്തിരിക്കുന്നത്. എബിവിപി പ്രവര്‍ത്തകരുടെ പരാതിയെ തുടര്‍മന്നാണ് സൂരജിനെതിരെ കേസെടുത്തിരിക്കുന്നത്.
കച്ചവടത്തിനായുള്ള കന്നുകാലി വില്‍പ്പന നിരോധിച്ച കേന്ദ്ര സര്‍ക്കാര്‍ ഉത്തരവിനെതിരെ ബീഫ് ഫെസ്റ്റിവെല്ലിലൂടെ പ്രതിഷേധിച്ചതിനാണ് മലപ്പുറം സ്വദേശിയായ സൂരജിനെ എബിവിപി പ്രവര്‍ത്തകര്‍ മര്‍ദ്ദിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
