മഴ, കടൽക്ഷോഭം; താഴ്ന്ന പ്രദേശങ്ങളിൽ വെള്ളം പൊങ്ങാൻ സാധ്യത; ജാ​ഗ്രത വേണമെന്ന് മുന്നറിയിപ്പ്

തിരുവനന്തപുരം: കേരള തീരത്ത് അതിശക്തമായ തിരമാലകൾക്ക് സാധ്യതയെന്ന് മുന്നറിയിപ്പ്. താഴ്ന്ന പ്രദേശങ്ങളിൽ വെള്ളം പൊങ്ങാൻ സാധ്യതയുള്ളതിനാൽ ജാ​ഗ്രത പാലിക്കണം. വേലിയേറ്റ സമയത്ത് തിരമാലകൾ ഒന്നര മീറ്റർ വരെ ഉയരാൻ സാധ്യതയുണ്ട്. തീരത്തെ വിനോദ സഞ്ചാര പരിപാടികൾ നിർത്തിവയ്ക്കാനും നിർദേശമുണ്ട്. 

ഇന്ന് തിരുവനന്തപുരം, കൊല്ലം, ആലപ്പുഴ, കൊല്ലം, ആലപ്പുഴ, പൊന്നാനി, കോഴിക്കോട്, കണ്ണൂർ, കാസർക്കോട് പ്രദേശങ്ങളിൽ രാവിലെ ആറ് മുതൽ എട്ട് വരെയും വൈകിട്ട് ആറ് മുതൽ പത്ത് വരെയും കടൽവെള്ളം തീരത്തേക്ക് അടിച്ചുകയറാനും സാധ്യതയുണ്ട്.