തിരുവനന്തപുരം; ശബരിമല വിഷയത്തില്‍ സര്‍ക്കാരും മാവോയിസ്റ്റുകളും ചേര്‍ന്ന് ഒത്തുകളിക്കുകയാണെന്ന ആരോപണവുമായി ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല. മാവോയിസ്റ്റുകളുമായുള്ള സര്‍ക്കാരിന്റെ ബന്ധം രാജ്യസുരക്ഷയ്ക്കു ഭീഷണിയാണെന്നും അതിനാല്‍ ഇവരുടെ ഗൂഢാലോചന അന്വേഷിക്കണമെന്നുമാണ് ശശികല പറയുന്നത്.
ശബരിമലയില്‍ യുവതികളെ പ്രവേശിപ്പിക്കാന്‍ ശ്രമങ്ങള്‍ നടക്കുമ്പോഴും ഭക്തര്‍ സമാധാനമായി പ്രതികരിക്കുന്നത് കര്‍മസമിതിയുടെ ഇടപെടല്‍ കൊണ്ടാണ്. എന്നാല്‍ ഇനി ഭക്തരെ നിയന്ത്രിക്കാന്‍ സാധിക്കില്ല എന്നാണ് ഇവര്‍ പറയുന്നത. ഉന്നത പൊലീസ് ഉദ്യോഗസ്ഥര്‍ യുവതീപ്രവേശത്തിനായി ഗൂഢാലോചന നടത്തിയതിനെപ്പറ്റി എന്‍ഐഎ അന്വേഷണം നടത്തണമെന്നും ശശികല ആവശ്യപ്പെട്ടു.
സുപ്രീംകോടതി വിധിയെത്തുടര്‍ന്ന് ശബരിമലയില്‍ ദര്‍ശനം നടത്താന്‍ സ്ത്രീകള്‍ എത്തുന്നുണ്ടെങ്കിലും പ്രതിഷേധം ശക്തമായതിനെ തുടര്‍ന്ന് എല്ലാവരും പിന്തിരിയുകയാണ്. കഴിഞ്ഞ ദിവസം തമിഴ്‌നാട്ടില്‍ നിന്നെത്തിയ മനിതികള്‍ പ്രതിഷേധക്കാരുടെ ആക്രമണത്തില്‍നിന്ന് ഓടിയാണ് രക്ഷപ്പെട്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
