മാവോയിസ്റ്റ് ഏറ്റുമുട്ടൽ : ആദ്യം വെടിയുതിർത്തത് പൊലീസെന്ന് റിസോർട്ട് ജീവനക്കാർ ; കൊല്ലപ്പെട്ട ജലീലിന്റെ പോസ്റ്റ് മോർട്ടം ഇന്ന്

വ​യ​നാ​ട്: വൈ​ത്തി​രിയിൽ മാവോയിസ്റ്റ് വേട്ടയിൽ പൊലീസ് നിലപാടിനെ സംശയ നിഴലിലാക്കി റി​സോ​ർ​ട്ട് ജീ​വ​ന​ക്കാ​രു​ടെ മൊ​ഴി. ആ​ദ്യം വെ​ടി​യു​തി​ർ​ത്ത​ത് പൊ​ലീ​സാ​ണെ​ന്നാണ് ജീവനക്കാർ മൊഴി നൽകിയത്. മാ​വോ​യി​സ്റ്റു​ക​ളെ​ത്തി​യ വി​വ​രം പൊ​ലീ​സി​നെ അ​റി​യി​ച്ചി​ട്ടി​ല്ലെ​ന്നും ജീവനക്കാർ വെളിപ്പെടുത്തി. പ​ത്തു​പേ​ർ​ക്കു​ള്ള ഭ​ക്ഷ​ണ​വും 50000 രൂ​പ​യും ആ​വ​ശ്യ​പ്പെ​ട്ട മാ​വോ​യി​സ്റ്റ് സം​ഘം മാ​ന്യ​മാ​യാ​ണ് പെ​രു​മാ​റി​യത്. വി​നോ​ദ​സ​ഞ്ചാ​രി​ക​ൾ എ​ത്തി​യ​പ്പോ​ൾ ഇ​വ​ർ കൗ​ണ്ട​റി​ൽ​നി​ന്നു മാ​റി​നി​ന്നെ​ന്നും ജീ​വ​ന​ക്കാ​ർ ഒ​രു ചാ​ന​ലി​നോ​ടു വെ​ളി​പ്പെ​ടു​ത്തി. 

ഭക്ഷണം ആവശ്യപ്പെട്ട മാവോയിസ്റ്റുകളോട്, അതിന് സമയം വേണമെന്ന് പറഞ്ഞു. തുടർന്ന് ഭക്ഷണം തയ്യാറാക്കുന്നതിനിടെ പൊലീസ് സംഘം തോക്കുമായി എത്തി വെടിവെക്കുകയായിരുന്നു. എങ്ങനെയാണ് പൊലീസ് സംഘം എത്തിയതെന്ന് അറിയില്ലെന്നും ജീവനക്കാർ പറഞ്ഞു. മാ​വോ​യി​സ്റ്റു​ക​ളാ​ണ് ആ​ദ്യം നി​റ​യൊ​ഴി​ച്ച​തെ​ന്നാ​ണ് പൊ​ലീ​സ് അറിയിച്ചിരുന്നത്. വെ​ടി​യേ​റ്റു പൊ​ലീ​സ് വാ​ഹ​ന​ത്തി​ന്‍റെ ചി​ല്ലു​ത​ക​ർ​ന്നു. ഇ​രു​ളി​ൽ​നി​ന്നു രാ​ത്രി വൈ​കി​യും പൊ​ലീ​സി​നു​നേ​രേ വെ​ടി​വ​യ്പു​ണ്ടാ​യി.പൊ​ലീ​സ്  നി​റ​യൊ​ഴി​ച്ച​ത് ആ​ത്മ​ര​ക്ഷാ​ർ​ഥ​മാ​ണെ​ന്നും ഐ​ജി ബ​ൽ​റാം​കു​മാ​ർ ഉ​പാ​ധ്യാ​യ പ​റ​ഞ്ഞിരുന്നു.

വൈത്തിരി റിസോർട്ടിലുണ്ടായ വെടിവെപ്പിൽ സി​പി​ഐ(​മാ​വോ​യി​സ്റ്റ്) ക​ബ​നി നാ​ടു​കാ​ണി ദ​ള​ത്തി​ലെ അം​ഗം സി.​പി. ജ​ലീ​ലാ​ണ് ബു​ധ​നാ​ഴ്ച രാ​ത്രി  വെ​ടി​യേ​റ്റു​മ​രി​ച്ച​ത്. അ​ഞ്ച് ഏ​ക്ക​ർ വ​രു​ന്ന വ​ള​പ്പി​ലു​ള്ള റി​സോ​ർ​ട്ടി​ന്‍റെ റി​സ​പ്ഷ​ൻ കൗ​ണ്ട​റി​നു കു​റ​ച്ചു​മാ​റി പാ​റ​ക്കെ​ട്ടി​ൽ ക​മി​ഴ്ന്നു​കി​ട​ക്കു​ന്ന നി​ല​യി​ലാ​യി​രു​ന്നു ജ​ലീ​ലി​ന്‍റെ മൃ​ത​ദേ​ഹം. സ​മീ​പ​ത്തു നാ​ട​ൻ തോ​ക്കും സ​ഞ്ചി​യും ചി​ത​റി​യ ക​റ​ൻ​സി​ക​ളും ഉ​ണ്ടാ​യി​രു​ന്നു. ജ​ലീ​ലി​ന്‍റെ ത​ല​യ്ക്കു പി​ന്നി​ലും തോ​ളി​ലു​മാ​ണ് വെ​ടി​യേ​റ്റ​ത്. പീ​പ്പി​ൾ​സ് ലി​ബ​റേ​ഷ​ൻ ഗ​റി​ല്ല ആ​ർ​മി​യു​ടെ ഡോ​ക്യു​മെ​ൻ​റേ​ഷ​ൻ വി​ദ​ഗ്ധ​നാ​ണ് ജ​ലീ​ൽ എ​ന്നാ​ണ് പൊ​ലീ​സ് പ​റ​യു​ന്ന​ത്.

കൊല്ലപ്പെട്ട ജലീലിന്റെ പോസ്റ്റ് മോർട്ടം ഇന്ന് കോഴിക്കോട് മെഡിക്കൽ കോളേജ് ആശുപത്രിയിൽ നടക്കും. പൊലീസ് സർജന്റെ നേതൃത്വത്തിൽ വിശദമായ പരിശോധന നടത്തിയ ശേഷമാകും പോസ്റ്റ് മോർട്ടം നടക്കുക. മൂന്നു മണിക്കൂറോളം നീണ്ടുനിൽക്കുമെന്നാണ് സൂചന. ജലീലിന്റെ മൃതദേഹം വിട്ടുതരണമെന്നാവശ്യപ്പെട്ട് അദ്ദേഹത്തിന്റെ സഹോദരൻ രംഗത്തെത്തിയിട്ടുണ്ട്. മൃതദേഹം വിട്ടുകിട്ടണമെന്ന് ​ഗ്രോ വാസു അടക്കമുള്ളവരും ആവശ്യപ്പെട്ടിട്ടുണ്ട്. 

ജലീലിന്റെ മരണത്തില്‍ മാവോയിസ്റ്റുകള്‍ തിരിച്ചടി നടത്താനുള്ള സാധ്യതയുണ്ടെന്ന രഹസ്യാനേഷണ റിപ്പോര്‍ട്ടിനെ തുടര്‍ന്ന് മലബാര്‍ മേഖലയിലെ പൊലീസ് സ്‌റ്റേഷനുകളില്‍ ഉള്‍പ്പെടെ സുരക്ഷ ശക്തമാക്കിയിരിക്കുകയാണ്. രക്ഷപ്പെട്ട മാവോയ്സ്റ്റുകൽക്കായി ഇന്നും തിരച്ചിൽ തുടരുമെന്നാണ് പൊലീസ് അറിയിച്ചിട്ടുള്ളത്.