'മിഷന്‍ കാസര്‍കോട്'; നാല് ദിവസം കൊണ്ട് കോവിഡ് ആശുപത്രി തുടങ്ങണമെന്ന് മുഖ്യമന്ത്രിയുടെ നിര്‍ദേശം, 26 അംഗ മെഡിക്കല്‍ സംഘം പുറപ്പെട്ടു

തിരുവനന്തപുരം: കാസര്‍കോട് അതിനൂതന കോവിഡ് ആശുപത്രി യാഥാര്‍ത്ഥ്യമാക്കാനും ചികിത്സ ശക്തിപ്പെടുത്തുന്നതിനുമായി തിരുവനന്തപുരം സര്‍ക്കാര്‍ മെഡിക്കല്‍ കോളേജില്‍ നിന്നുള്ള 26 അംഗ സംഘം യാത്രതിരിച്ചു. ഞായറാഴ്ച രാവിലെ 9 മണിക്ക് സെക്രട്ടേറിയറ്റിന് മുന്നില്‍ നിന്നാണ് സംഘംയാത്ര തിരിച്ചത്. 

കാസര്‍കോട് കോവിഡ് രോഗികളുടെ എണ്ണം കൂടിയ സാഹചര്യത്തില്‍ 4 ദിവസം കൊണ്ട് ജില്ലയില്‍ കോവിഡ് ആശുപത്രി തുടങ്ങണമെന്ന മുഖ്യമന്ത്രിയുടെ നിര്‍ദേശമുണ്ടായിരുന്നു. അത് യാഥാര്‍ത്ഥ്യമാക്കാനാണ് ഈ സംഘം യാത്ര തിരിക്കുന്നത്.

ഇവര്‍ കോവിഡ് ആശുപത്രിയുടെ പ്രവര്‍ത്തനങ്ങള്‍ ഏകോപിപ്പിക്കുകയും ജീവനക്കാര്‍ക്ക് പരിശീലനം നല്‍കുകയും രോഗികളെ ചികിത്സിക്കുന്നതുമാണ്.- ആരോഗ്യമന്ത്രി കെ കെ ശൈലജ പറഞ്ഞു.