മുന്‍എംഎല്‍എ റോസമ്മ ചാക്കോ  അന്തരിച്ചു

തൃശ്ശൂർ : മുതിര്‍ന്ന കോണ്‍ഗ്രസ്സ് നേതാവും മുന്‍ എംഎല്‍എയുമായ റോസമ്മ ചാക്കോ (93)  അന്തരിച്ചു.വ്യാഴാഴ്ച രാവിലെ ആറു മണിയോടെയിരുന്നു അന്ത്യം. മൂന്നു തവണ നിയമസഭാം​ഗമായിരുന്നു റോസമ്മ ചാക്കോ. 

ഇടുക്കി, ചാലക്കുടി, മണലൂർ മണ്ഡലങ്ങളെയാണ് റോസമ്മ നിയമസഭയിൽ പ്രതിനിധീകരിച്ചത്. 1982ല്‍ ഇടുക്കിയില്‍ നിന്നാണ് ആദ്യമായി നിയമസഭയില്‍ എത്തുന്നത്. പിന്നീട് 1987ല്‍ ചാലക്കുടിയില്‍ നിന്നും ,1996 ൽ മണലൂരില്‍ നിന്നും ജയിച്ചു. 

സി.ചാക്കോയുടെയും മരിയമ്മ ചാക്കോയുടെയും മകളായി 1927 മാര്‍ച്ച് 17നാണ് ജനനം. കെപിസിസി വൈസ് പ്രസിഡന്റായും മഹിള കോൺഗ്രസ്സ് സെക്രട്ടറിയായും പ്രവർത്തിച്ചിട്ടുണ്ട്. അവിവാഹിതയാണ്.