തിരുവനന്തപുരം: ജനങ്ങളോട് മോശമായി പെരുമാറുന്ന പൊലീസുകാര്‍ക്കെതിരെ കര്‍ശന നടപടിയെടുക്കുമെന്ന് സംസ്ഥാന പൊലീസ് മേധാവി ലോക്‌നാഥ് ബെഹറ. ഇക്കാര്യം പരിശോധിക്കാന്‍ ഉന്നത തല യോഗം വിളിക്കുമെന്ന് ബെഹ്‌റ അറിയിച്ചു.
സംസ്ഥാനത്ത് പൊലീസ് ഉദ്യോഗസ്ഥര്‍ ജനങ്ങളോട് മോശമായി പെരുമാറിയ നിരവധി സംഭവങ്ങള്‍ അടുത്തിടെ പുറത്തുവന്നിരുന്നു. വാഹന പരിശോധനയ്ക്കിടെ പിടിയിലായ യുവാക്കള്‍ക്കു നേരെ ഉദ്യോഗസ്ഥന്‍ തെറിയഭിഷേകം നടത്തുന്ന വിഡിയോ കഴിഞ്ഞ ദിവസങ്ങളില്‍ സമൂഹ മാധ്യമങ്ങളില്‍ വ്യാപകമായി പ്രചരിച്ചു. പൊലീസുകാരുടെ സമാനമായ പെരുമാറ്റത്തിന്റെ റിപ്പോര്‍ട്ടുകള്‍ പലയിടങ്ങളില്‍നിന്നും പുറത്തുവന്നു. ഈ സംഭവങ്ങളുടെ പശ്ചാത്തലത്തിലാണ് പൊലീസ് മേധാവി നിലപാടു വ്യക്തമാക്കിയത്.
ജനങ്ങളോടു മോശമായി പെരുമാറുന്ന ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കും. പൊലീസുകാരുടെ ഭാഗത്തുനിന്ന് സമീപ ദിവസങ്ങളിലുണ്ടായ പെരുമാറ്റം ദൗര്‍ഭാഗ്യകരമാണ്. ഇത് ആവര്‍ത്തിക്കാതിരിക്കാന്‍ നടപടികള്‍ സ്വീകരിക്കും. ഇക്കാര്യം ആലോചിക്കാന്‍ ഉന്നത തല യോഗം വിളിച്ചുചേര്‍ക്കും. വാഹന പരിശോധന ഉള്‍പ്പെടെയുള്ള കാര്യങ്ങളിലെ അപാകത പരിശോധിക്കുമെന്ന് ഡിജിപി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
