മെട്രോ പാലത്തിലെ കോണ്‍ക്രീറ്റ് പാളി ഓട്ടോറിക്ഷയ്ക്ക് മേല്‍ അടര്‍ന്നുവീണു; യാത്രക്കാര്‍ തലനാരിഴയ്ക്ക് രക്ഷപ്പെട്ടു 

കൊച്ചി:  കൊച്ചി മെട്രോ പാലത്തിന്റെ കോണ്‍ക്രീറ്റ് ഭാഗം ഓട്ടൊറിക്ഷയ്ക്കുമുകളിലേക്ക് അടര്‍ന്നുവീണു. ഓട്ടോറിക്ഷയിലുണ്ടായിരുന്ന മൂന്നു യാത്രികരും തലനാരിഴയ്ക്ക് രക്ഷപ്പെട്ടു. എറണാകുളം റിസര്‍വ് ബാങ്കിന്റെ മുന്‍വശത്തായാണ് അപകടമുണ്ടായത്.

ഒട്ടോറിക്ഷ സഞ്ചരിച്ചുകൊണ്ടിരിക്കുമ്പോഴാണ് ഏകദേശം പതിനഞ്ചു കിലോ ഭാരം വരുന്ന കോണ്‍ക്രീറ്റ് പാളി വണ്ടിയുടെ മുകളിലേക്ക് പതിച്ചത്. വീണ ആഘാതത്തില്‍ ഓട്ടോറിക്ഷയുടെ മുകള്‍വശം തകര്‍ന്നു. ഓട്ടോറിക്ഷയുടെ തൊട്ടരികില്‍ ധാരാളം ബൈക്ക് യാത്രികരുണ്ടായിരുന്നെന്നും ഭാഗ്യത്തിനാണ് രക്ഷപ്പെട്ടതെന്നും ബൈക്ക് യാത്രികരിലൊരാള്‍ പറഞ്ഞു.

സംഭവം അയിച്ചെങ്കിലും പൊലീസ് ആദ്യം സ്ഥലത്ത് എത്തിയില്ല. ഓട്ടോറിക്ഷ മാറ്റാതെ അപകട സ്ഥലത്ത് തന്നെ ഇട്ടതിനെ തുടര്‍ന്നാണ് പൊലീസ് എത്തിയത്. സംഭവത്ത തുടര്‍ന്ന് അല്‍നേരം ഗതാഗത തടസ്സമുണ്ടായി.