കോതമംഗലം: വിദ്യാര്‍ഥികളെ മര്‍ദിച്ചെന്ന പരാതിയില്‍ നെല്ലിക്കുഴി ഗവ ഹൈസ്‌കൂളിലെ പ്രധാനധ്യാപകനെതിരെ കേസ്. യോഗാ ക്ലാസില്‍ എത്താന്‍ വൈകിയത് ചോദ്യം ചെയ്ത് പ്രധാനധ്യാപകന്‍ മര്‍ദിച്ചതായാണ് പരാതി. കണ്ണൂര്‍ സ്വദേശി സി സുധാകരനെതിരെയാണ് പൊലീസ് കേസെടുത്തത്.
ബുധനാഴ്ച രാവിലെയായിരുന്നു സംഭവം. പതിമൂന്ന് വയസുള്ള മൂന്ന് വിദ്യാര്‍ഥികളാണ് പ്രധാനധ്യാപകനെതിരെ പരാതി നല്‍കിയത്. ആശുപത്രിയില്‍ നിന്ന് വിവരം ലഭിച്ചതിന്റെ അടിസ്ഥാനത്തില്‍ പൊലീസ് കുട്ടികളുടെ വീട്ടിലെത്തി മൊഴി രേഖപ്പെടുത്തി. പ്രധാനധ്യാപകനെതിരെ കേസുമായി മുന്‍പോട്ട് പോവാനുള്ള രക്ഷിതാക്കളുടെ തീരുമാനത്തിന് പിടിഎ പിന്തുണ നല്‍കി.
ചൈല്‍ഡ് ലൈന്‍ കേസ് രജിസ്റ്റര്‍ ചെയ്തതായി കുട്ടികളുടെ രക്ഷിതാക്കളെ അറിയിച്ചിട്ടുണ്ട്. കേസെടുത്തതിന് പിന്നാലെ പ്രധാനധ്യാപകന്‍ മുങ്ങിയെന്നാണ് വിവരം. ഉത്തരവാദിത്വം ലംഘിച്ചതിനും, മര്‍ദിച്ചതിനുമാണ് കേസ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
