രാജസ്ഥാനില്‍ നിന്ന് പ്രത്യേക ട്രെയിന്‍ ബുധനാഴ്ച; കോഴിക്കോട് എറണാകുളം, തിരുവനന്തപുരം സ്റ്റോപ്പുകള്‍

ജയ്പുര്‍: രാജസ്ഥാനില്‍ നിന്ന് കേരളത്തിലേക്ക് പ്രത്യേക ട്രെയിന്‍ ഓടിക്കും. ബുധനാഴ്ച ഉച്ചയ്ക്ക് പന്ത്രണ്ടുമണിക്ക് ജയ്പുരില്‍ നിന്നാണ് ട്രെയിന്‍ പുറപ്പെടുന്നത്. കോഴിക്കോട്, എറണാകുളം, തിരുവനന്തപുരം സ്‌റ്റേഷനുകളില്‍ നിര്‍ത്തും.

അതിനിടെ, ശ്രമിക് എക്‌സ്പ്രസ് ട്രെയിനുകള്‍ റദ്ദാക്കിയതിനെത്തുടര്‍ന്ന് ഗുജറാത്തിലെ രാജ്‌കോട്ടില്‍ അതിഥി തൊഴിലാളികള്‍ അക്രമാസക്തരായി. വാഹനങ്ങള്‍ അടിച്ചുതകര്‍ത്തും പൊലീസിനുനേരെ കല്ലെറിഞ്ഞും നൂറുകണക്കിന് തൊഴിലാളികള്‍ വന്‍ സംഘര്‍ഷമുണ്ടാക്കി. യുപിയിലേക്കും ബിഹാറിലേക്കുമുള്ള ട്രെയിനുകളാണ് റദ്ദാക്കിയത്.