രാജ്കുമാർ ഭയപ്പെട്ട 'ബോസ്' ആര് ?; കുമളിയിൽ പണം കൈപ്പറ്റിയെ അജ്ഞാതനെ തേടി ക്രൈംബ്രാഞ്ച്

നെടുങ്കണ്ടം : രാ​ജ്​​കു​മാ​റി​നെ പൊലീസ് അനധിക‌ൃതമായി കസ്റ്റഡിയിൽ വെച്ച് ക്രൂരമായ മർദനമുറകൾക്ക് വിധേയനാക്കിയത് എന്തിനെന്ന് കണ്ടെത്താനുള്ള തീവ്രശ്രമത്തിൽ ക്രൈംബ്രാഞ്ച്.  രാജ്കുമാറിന്റെ കൈവശമുണ്ടായിരുന്ന പണം ആരാണ് കൈപ്പറ്റിയിരുന്നത് എന്ന് കണ്ടെത്തിയാൽ മൂന്നാംമുറയ്ക്ക് പിന്നിലെ നി​ഗൂഢത വെളിച്ചത്തുവരുമെന്നാണ് അന്വേഷണസംഘത്തിന്റെ നി​ഗമനം. മൂ​ന്നാം​മു​റ പ്ര​യോ​ഗി​ച്ച ഉ​ദ്യോ​ഗ​സ്​​ഥ​ർ ആ​രൊ​ക്കെ, ഇ​തി​ൽ ആ​രോ​പ​ണ വി​ധേ​യ​രാ​യ ഉ​ദ്യോ​ഗ​സ്​​ഥ​രു​ടെ പ​ങ്കാ​ളി​ത്തം, അനധികൃത കസ്റ്റഡി  ഉ​ന്ന​ത ഉ​ദ്യോ​ഗ​സ്​​ഥർ അറിഞ്ഞിരുന്നു എന്ന ആരോപണത്തിന് കൂ​ടു​ത​ൽ തെ​ളി​വു​ക​ൾ, സംഭവത്തിൽ  മ​റ്റാ​ർ​ക്കെ​ങ്കി​ലും പങ്കുണ്ടോ തുടങ്ങിയ കാര്യങ്ങളും ക്രൈംബ്രാഞ്ച് സംഘം അന്വേഷിക്കുന്നുണ്ട്. 

ക്രൈംബ്രാഞ്ച് സംഘം മൂന്ന് ​​ഗ്രൂപ്പായി തിരിഞ്ഞാണ് അന്വേഷണം പുരോ​ഗമിക്കുന്നത്. വലിയ വിദ്യാഭ്യാസമില്ലാത്ത രാജ്കുമാർ  കോ​ടി​ക​ളു​ടെ ഇ​ട​പാ​ടി​ന്​ പ്രാ​പ്​​ത​ന​ല്ലെന്നും, മറ്റാരുടെയെങ്കിലും ബിനാമി ആയിരിക്കുമെന്നുമാണ് അന്വേഷണസംഘത്തിന്റെ വിലയിരുത്തൽ. രാജ്കുമാർ ജീവനക്കാരോട് സൂചിപ്പിച്ച ബോസ് ആരാണെന്ന് കണ്ടെത്താനും പൊലീസ് സംഘം അന്വേഷണം വ്യാപിപ്പിച്ചിട്ടുണ്ട്. ‘ബോ​സി’​നെ ഇ​യാ​ൾ ഭ​യ​പ്പെ​ട്ടി​രു​ന്നെ​ന്നും സൂ​ച​ന​യു​ണ്ട്. നി​ക്ഷേ​പ​ക​രി​ൽ​നി​ന്ന്​ ല​ഭി​ച്ച ല​ക്ഷ​ങ്ങ​ൾ കു​മ​ളി​യി​ലെ ര​ഹ​സ്യ​കേ​ന്ദ്ര​ത്തി​ലേ​ക്ക്​​ എ​ത്തി​ച്ചി​രു​ന്നെ​ന്ന വെ​ളി​പ്പെ​ടു​ത്ത​ലുകൾ പുറത്ത് വന്നിരുന്നു. 

കാ​ര്യ​മാ​യ തു​ക​യൊ​ന്നും കൈ​യി​ലി​ല്ലെ​ന്ന്​ വ്യ​ക്ത​മാ​യി​ട്ടും രാ​ജ്​​കു​മാ​റി​നെ കൈ​കാ​ര്യം ചെ​യ്യാ​ൻ പൊ​ലീ​സി​നു പ്രേ​ര​ക​മാ​യ​ത്​ തു​ക കൊ​ണ്ടു​പോ​യ​വ​രു​ടെ താ​ൽ​പ​ര്യ​മാ​കാ​മെ​ന്നാ​ണ്​ സം​ശ​യി​ക്കു​ന്ന​ത്. പ​ണം കൈ​ക്ക​ലാ​ക്കി​യ​വ​ർ​ക്ക്​ രാ​ജ്​​കു​മാ​റി​നെ ഇ​ല്ലാ​താ​ക്കേ​ണ്ട​തോ ഭ​യ​പ്പെ​ടു​ത്തി നി​ശ്ശ​ബ്​​ദ​നാ​ക്കേ​ണ്ട​തോ ഉ​ണ്ടാ​യി​രു​ന്നു. ഇ​താ​രെ​ന്ന്​ ക​ണ്ടെ​ത്തി​യാ​ൽ ക്രൂ​ര​ക​സ്​​റ്റ​ഡി മ​ർ​ദ​ന​ത്തി​ന്​ ഇ​ര​യാ​ക്കി​യ പൊ​ലീ​സു​കാ​രു​ടെ താ​ൽ​പ​ര്യ​വും വ്യ​ക്ത​മാ​കുമെന്നും അന്വേഷണസംഘം കണക്കുകൂട്ടുന്നു.