തിരുവനന്തപുരം: പൗരത്വനിയമത്തിനെതിരെ രാജ്ഭവന് മുന്നില്‍ എസ്ഡിപിഐ സംഘടിപ്പിക്കുന്ന പ്രതിഷേധ സംഗമത്തില്‍ ഭീം ആര്‍മി നേതാവ് ചന്ദ്രശേഖര്‍ ആസാദ് മുഖ്യഅതിഥിയാകും. പൗരത്വ ഭേദഗതി നിയമം പിന്‍വലിക്കുക, എന്‍ആര്‍സി ഉപേക്ഷിക്കുക, ഭരണഘടന സംരക്ഷിക്കുക എന്നീ അവശ്യങ്ങള്‍ മുന്‍നിര്‍ത്തി കേരളം രാജ്ഭവനിലേക്ക് എന്ന പ്രമേയത്തിലാണ് സിറ്റിസണ്‍സ് മാര്‍ച്ച് നടത്തുന്നത്.
കേരളത്തിലെ പതിമൂന്ന് ജില്ലകള്‍ പിന്നിട്ട ശേഷമാണ് മാര്‍ച്ച് തിരുവനന്തപുരത്ത് എത്തുന്നത്. എസ്ഡിപിഐ നേതാവ് എകെ ഫൈസി പ്രതിഷേധ സംഗമം ഉദ്ഘാടനം ചെയ്യും. ചന്ദ്രശേഖര്‍ ആസാദ്് മാര്‍ച്ചിനെ അഭിസംബോധന ചെയ്യും. എസ്ഡിപിഐ സംസ്്ഥാന കമ്മറ്റിയുടെ നേതൃത്വത്തില്‍ രോഹിത് വെമുല രക്തസാക്ഷി ദിനമായി ജനുവരി 17ന് കാസര്‍കോട് നിന്നാരംഭിച്ച ജാഥയാണ് ഇന്ന് തിരുവനന്തപുരത്ത് എത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
