കൊച്ചി: ശബരിമല സ്ത്രീ പ്രവേശനത്തില്‍ സുപ്രീം കോടതി വിധിയില്‍ അമിത് ഷായുടെ നിലപാടിനെതിരെ കോണ്‍ഗ്രസ് ദേശീയ നേതൃത്വം വിയേജിച്ചെങ്കിലും കെപിസിസി നേതൃത്വം അമിത് ഷായെ തള്ളാത്തത് കൗശലമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ആര്‍എസ്എസ്-ബിജെപി വാലില്‍ തൂങ്ങുന്ന നയം സംസ്ഥാനത്തെ കോണ്‍ഗ്രസ് നേതൃത്വം തുടര്‍ന്നാല്‍ ഇപ്പോള്‍ രാമന്‍നായരാണ് ബിജെപിയില്‍ ചേര്‍ന്നതെങ്കില്‍ വൈകാതെ വലിയ നേതാക്കള്‍ തന്നെ കാവിക്കൊടി പിടിക്കുമെന്ന് കോടിയേരി അഭിപ്രായപ്പെട്ടു.
ഈ സാഹചര്യത്തിലാണ് ശബരിമല സ്ത്രി പ്രവേശന വിഷയത്തില്‍ രാഹുല്‍ ഗാന്ധി പരസ്യപ്രതികരണം നടത്തിയത്. ഇത് കേരളത്തിലെ കോണ്‍ഗ്രസിന് വീണ്ടുവിചാരത്തിനുള്ള അവസരമാണ്. എന്നാല്‍ രാഹുലിന്റെത് വ്യക്തിപരമായ അഭിപ്രായമാണെന്നും കേരളത്തിലെ നേതാക്കളുടെതാണ് പാര്‍ട്ടിയുടെ നിലപാട് എന്നുമാണ് പ്രതിപക്ഷ നേതാവ് പറയുന്നതെന്നും കോടിയേരി പറഞ്ഞു.
കോണ്‍ഗ്രസ് അധ്യക്ഷനെ തള്ളിയ കെപിസിസി നേതൃത്വം അമിത്ഷാ യുടെ വാക്കുകളെ തേന്‍ പോലെ നുണയുകയാണ്. രാഹുല്‍ഗാന്ധി മൂര്‍ദാബാദ്; അമിത് ഷാ ജയ്‌ഹോ എന്നതായിരിക്കുന്നു ഇക്കൂട്ടരുടെ പുതിയ ശരണംവിളിയെന്നും കോടിയേരി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
