തൃശൂര്: മദ്യം വിറ്റ കേസില് പൊലീസ് അറസ്റ്റ് ചെയ്ത റിമാന്ഡ് തടവുകാരന് മെഡിക്കല് കോളജ് ആശുപത്രിയില് മരിച്ചു. പൊലീസ് മര്ദനം മൂലമാണ് മരണമെന്ന് ആരോപിച്ച് ബന്ധുക്കള് രംഗത്തെത്തി.
മണ്ണാര്ക്കാട് ആനമുറി സ്വദേശി ടിജോ എന്ന നാല്പ്പതുകാരനാണ് തൃശൂര് മെഡിക്കല് കോളജ് ആശുപത്രിയില് മരിച്ചത്. നിയമ വിരുദ്ധമായി മദ്യം വിറ്റ കേസില് മൂന്നാഴ്ച മുമ്പാണ് ടിജോയെ അഗളി പൊലീസ് അറസ്റ്റ് ചെയ്തത്. വിയ്യൂര് ജയിലില് റിമാന്ഡ് തടവുകാരനായി കഴിയുകയായിരുന്നു. നെഞ്ചുവേദനയെത്തുടര്ന്നാണ് ടിജായെ ആശുപത്രിയില് പ്രവേശിപ്പിച്ചത്.
പൊലീസ് മര്ദനമാണ് ടിജോയുടെ മരണത്തിന് കാരണമെന്ന ആരോപണവുമായി ബന്ധുക്കള് രംഗത്തെത്തി. ഇക്കാര്യത്തില് അന്വേഷണം നടത്തണമെന്ന് അവര് ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
