മുസ്ലിം ലീ​ഗ് വൈറസല്ല, എയ്ഡ്സ്; ബി ​ഗോപാലകൃഷ്ണൻ

കൊച്ചി: മുസ്ലിം ലീ​ഗ് വൈറസല്ല എയ്ഡ്സാണെന്ന് ബിജെപി വക്താവ് ബി ​ഗോപാലകൃഷ്ണൻ. രാഹുൽ ​ഗാന്ധി തട്ടിപ്പ് ഹിന്ദുവാണെന്നും അദ്ദേഹം എറണാകുളം പ്രസ് ക്ലബിൽ നടത്തിയ വാർത്താസമ്മേളനത്തിൽ ആരോപിച്ചു. ജിന്നയുടെ പാരമ്പര്യമുള്ള ലീ​ഗ് കേരളത്തിലെ മത സംഘടനയാണ്. വർ​ഗീയത പറഞ്ഞ് വോട്ട് പിടിക്കുന്ന ലീ​ഗിനെ തെരഞ്ഞെടുപ്പിൽ നിന്ന് പിൻവലിക്കണമെന്നും അദ്ദേഹം ആവശ്യപ്പെട്ടു. 

ലീ​ഗിനെ വൈറസ് എന്ന് വിളിച്ച് യുപി മുഖ്യമന്ത്രി യോ​ഗി ആദിത്യനാഥ് തെരഞ്ഞെടുപ്പ് കമ്മീഷന്റെ നടപടികൾ നേരിടുന്നതിനിടെയാണ് ​ഗോപാലക‌ൃഷ്ണന്റെ പരാമർശം. തന്റെ പരാമർശത്തിൽ കമ്മീഷൻ എന്ത് നടപടിയെടുത്താലും നേരിടാൻ തയ്യാറാണെന്നും അദ്ദേഹം വ്യക്തമാക്കി. 

തിരുട്ടു ​ഗ്രാമത്തിലെ നേതാവാകാൻ പറ്റിയ ആളാണ് രാഹുൽ ​ഗാന്ധി. കോൺ​ഗ്രസ് എന്നത് തട്ടിപ്പുകാർക്ക് മാത്രമുള്ള ഒളിസങ്കേതമാണ്. കോൺ​ഗ്രസ് ഭരണ സമയത്താണ് നീരവ് മോദിക്കും വിജയ് മല്യക്കും പണം നൽകിയത്. ബിജെപി  പണം തിരികെ പിടിക്കാനാണ് ശ്രമിച്ചത്. രാഹുൽ  ​ഗാന്ധി കേരളത്തിൽ വരുന്നത് നുണ പറയാനും ഭക്ഷണം കഴിക്കാനും വേണ്ടി മാത്രമാണെന്നും  ​ഗോപാലകൃഷ്ണൻ ആരോപിച്ചു. 

എല്ലയ്പ്പോഴും ബിജെപിയുടെ മെക്കിട്ടു കയറുന്ന തെരഞ്ഞെടുപ്പ് കമ്മീഷൻ എന്തിനാണ് ചുവന്ന ഷർട്ടിടുന്നതെന്ന് അറിയാം. ബിജെപി വിരുദ്ധത പ്രകടിപ്പിച്ച് മറ്റുള്ളവരുടെ കാവലാളായിരിക്കുകയാണ് കമ്മീഷൻ. ആരൊക്കെ, എന്തൊക്കെ പറഞ്ഞാലും ബിജെപി ശബരിമല വഷയം ഉന്നയിച്ച് വോട്ട് ചോദിക്കുമെന്നും ​ഗോപാലകൃഷ്ണൻ കൂട്ടിച്ചേർത്തു.