തിരുവനന്തപുരം: അട്ടക്കുളങ്ങര വനിത ജയിലിലെ രണ്ട് തടവുകാരെ കാണാതായി. സാമ്പത്തിക തട്ടിപ്പിനെ തുടർന്ന് തടവിലാക്കപ്പെട്ട ശിൽപ മോൾ, സന്ധ്യ എന്നീ തടവുകാരെയാണ് കാണാതായത്. നാലര മണിക്ക് ശേഷം ഇവരെ കാണാനില്ലെന്ന് സഹതടവുകാർ പറഞ്ഞതിനെ തുടർന്നാണ് അന്വേഷണം തുടങ്ങിയത്. ജയിൽ മേധാവി ഋഷിരാജ് സിങ് സ്ഥലത്തെത്തിയിട്ടുണ്ട്.
ജയിലിനകത്തും പുറത്തുമായി ജയിൽ ഉദ്യോഗസ്ഥരും പൊലീസും ചേർന്ന് തെരച്ചിൽ തുടരുകയാണ്. ജയിലിനുള്ളിൽ പ്രതികൾ ഒളിച്ചിരിക്കാൻ സാധ്യതയുളളതിനാൽ ഡോഗ് സ്ക്വാഡിനെ ഉപയോഗിച്ച് പരിശോധന നടത്തിയിരുന്നു. എന്നാൽ ഇവരെ കണ്ടെത്താൻ സാധിച്ചില്ല.
ഇവർ ജയലിൽ നിന്ന് പുറത്ത് പോയെന്ന നിഗമനത്തിലാണ് പൊലീസ്. അതിനാൽ പുറത്തും അന്വേഷം ഊർജിതമാക്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
