വയനാട്ടില്‍ ക്വാറന്റൈനിലായിരുന്ന യുവാവ് മുങ്ങി; അന്വേഷണം

തിരുനെല്ലി: വയനാട് തിരുനെല്ലിയില്‍ ക്വാറന്റൈനിലായിരുന്ന യുവാവ് മുങ്ങി. കോട്ടയം വാകത്താനം സ്വദേശിയാണ് കടന്നുകളഞ്ഞത്. കര്‍ണാടകയില്‍ നിന്ന് അനധികൃതമായാണ് ഇയാള്‍ വയനാട്ടിലെത്തിയത്. പൊലീസ് അന്വേഷണം ആരംഭിച്ചു. 

അതേസമയം, സംസ്ഥാനത്ത് കോവിഡ് ബാധിച്ച് ഒരാള്‍കൂടി മരിച്ചു. കോഴിക്കോട്  പരപ്പനങ്ങാടി സ്വദേശി ഇളയിടത്ത് ഹംസക്കോയ ആണ് മരിച്ചത്. 61 വയസ്സായിരുന്നു. ഇന്ത്യന്‍ ഫുട്‌ബോള്‍ ടീം മുന്‍ താരമാണ് ഹംസക്കോയ.

മഞ്ചേരി മെഡിക്കല്‍ കോളജില്‍ വെച്ചായിരുന്നു അന്ത്യം. ന്യൂമോണിയ ബാധിതനായി ചികില്‍സയിലായിരുന്നു. കോവിഡ് പരിശോധനയില്‍ പോസിറ്റീവ് ആണെന്ന് തെളിയുകയായിരുന്നു. ഹംസക്കോയക്ക് പ്ലാസ്മ തെറാപ്പി നടത്തിയിരുന്നു. ഇതോടെ സംസ്ഥാനത്ത് കോവിഡ് ബാധിച്ച് മരിച്ചരുടെ എണ്ണം 15ആയി.