വര്‍ഗീസ് വധത്തെ പറ്റിയുളള പാര്‍ട്ടി കാഴ്ചപ്പാട് ഇതല്ലെന്ന് കോടിയേരി ബാലകൃഷ്ണന്‍
നക്‌സല്‍ നേതാവ് വര്‍ഗീസ് കൊടും കുറ്റവാളിയാണെന്നും പൊലീസ് ഏറ്റുമുട്ടലില്‍ കൊന്നതാണ് എന്നും ആഭ്യന്തരവകുപ്പ് ഹൈക്കോടതിയില്‍ നല്‍കിയ സത്യവാങ്മൂലത്തിനെതിരെ സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. വര്‍ഗീസ് വധത്തെ പറ്റിയുളള പാര്‍ട്ടി കാഴ്ചപ്പാട് ഇതല്ലെന്ന് കോടിയേരി സിപിഐഎം സംസ്ഥാന സമിതിയില്‍ വ്യക്തമാക്കി. പാര്‍ട്ടി നയത്തിന് നിരക്കുന്ന സത്യവാങ്മൂലമല്ല സര്‍ക്കാര്‍ നല്‍കിയത്. മുന്‍ സര്‍ക്കാര്‍ നിയോഗിച്ച അഭിഭാഷകനാണ് സത്യവാങ്മൂലം നല്‍കിയത്. ഈ അഭിഭാഷകനെ ഇടത് സര്‍ക്കാര്‍ മാറ്റിയിട്ടല്ല. കോടിയേരി സംസ്ഥാന സമിതിയില്‍ പറഞ്ഞു.
സംസ്ഥാന ആഭ്യന്തര വകുപ്പ് 2016ല്‍ ജൂണില്‍ ഹൈക്കോടതിയില്‍ സമര്‍പ്പിച്ച സത്യവാങ്മൂലത്തിലാണ് വര്‍ഗീസിനെ കൊള്ളക്കാരനും കൊലപാതകിയുമായി വിശേഷിപ്പിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
