വഴിത്തർക്കം മൂത്ത് പൊരിഞ്ഞ അടി; സ്ത്രീകളും പുരുഷന്മാരുമെല്ലാം തമ്മിൽ ഏറ്റുമുട്ടി ; ആറാട്ടുപുഴയിൽ സംഘർഷം ( വീഡിയോ)

ആലപ്പുഴ :  ആലപ്പുഴ ജില്ലയിലെ ആറാട്ടുപുഴയിൽ വഴിത്തർക്കത്തെ തുടർന്ന് സംഘർഷം. പൊലീസ് എത്തിയാണ് സംഘർഷം അവസാനിപ്പിച്ചത്.  അടിപിടിയിൽ നിരവധി പേര്‍ക്ക് പരിക്കേറ്റു.

പഞ്ചായത്ത് അനുവദിച്ച വഴി അടച്ചുകെട്ടാന്‍ ഒരു വിഭാഗം ശ്രമം നടത്തുകയും എതിര്‍ വിഭാഗം ഇതു തടയുകയുമായിരുന്നു. ഇതാണ് സംഘര്‍ഷത്തിന് കാരണമായത്. 

പെരുമ്പള്ളി മുറിയിൽ കൊച്ചുവീട്ടിൽ രേഖ, മക്കളായ ആതിര, പൂജ എന്നിവർക്ക് സംഘർഷത്തിൽ പരിക്കേറ്റു. സംഭവത്തിൽ തൃക്കുന്നപ്പുഴ പൊലീസ് കേസ് രജിസ്റ്റർ ചെയ്തു. ഏറെ നാളായി ഇരുകൂട്ടർ  തമ്മിൽ വഴിത്തർക്കം നിലനിന്നിരുന്നതായി പൊലീസ് പറഞ്ഞു.