തിരുവനന്തപുരം: വിദ്യാര്‍ത്ഥികളെ ലൈംഗിക ചൂഷണത്തിന് ഇരയാക്കിയ കായികാധ്യാപകന്‍ അറസ്റ്റില്‍. തിരുവനന്തപുരം കരകുളം വൊക്കേഷണല്‍ ഹയര്‍ സെക്കന്ററി സ്‌കൂളിലെ കായികാധ്യാപകന്‍ ബോബി സി ജോസഫാണ് അറസ്റ്റിലായത്. ഇയാള്‍ക്കെതിരെ പോക്‌സോ നിയമം ചുമത്തി.
ഇയാള്‍ക്കെതിരെ പത്തിലധികം വിദ്യാര്‍ത്ഥികള്‍ പരാതി നല്‍കിയിരുന്നു. കായിക പരിശീലനം എന്ന പേരില്‍ കരകുളം സ്വദേശിയായ ഇയാള്‍ വിദ്യാര്‍ത്ഥികളെ സ്‌കൂള്‍ പ്രവര്‍ത്തി സമയത്തും സ്‌കൂള്‍ വിട്ടതിന് ശേഷവും കുട്ടികളെ കാറില്‍ കയറ്റി പുറത്തുകൊണ്ടുപോകുമായിരുന്നു. ആളൊഴിഞ്ഞ സ്ഥലത്തെത്തി കുട്ടികളെ പരസ്പരം പ്രകൃതി വിരുദ്ധ പീഡനത്തില്‍ ഏര്‍പ്പെടുത്തി ആസ്വദിക്കുകയായിരുന്നു ഇയാളുടെ രീതിയെന്ന് പൊലീസ് പറഞ്ഞു.
ശല്യം സഹിക്കാത രണ്ടു വിദ്യാര്‍ത്ഥികള്‍ വിവരം രക്ഷിതാക്കളോട് പറഞ്ഞതോടെയാണ് സംഭവം പുറത്തറിഞ്ഞത്. പിന്നാലെ കൂടുതല്‍ കുട്ടികള്‍ പരാതിയുമായി രംഗത്തെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
