വീണ്ടും അടച്ചിടുമോ ?; പ്രത്യേക മന്ത്രിസഭായോ​ഗം ഇന്ന് ; യോ​ഗം വീഡിയോ കോൺഫറൻസിലൂടെ

തിരുവനന്തപുരം : സംസ്ഥാനത്ത് കോവിഡ് വ്യാപനം രൂക്ഷമാകുന്ന സാഹചര്യത്തിൽ സ്വീകരിക്കേണ്ട തുടർനടപടികൾ ആലോചിക്കാനായി പ്രത്യേക മന്ത്രിസഭായോ​ഗം ഇന്ന് ചേരും. വീഡിയോ കോൺഫറൻസ് വഴിയാണ് മന്ത്രിസഭായോ​ഗം ചേരുന്നത്. സംസ്ഥാനത്ത് ഇതാദ്യമായാണ് ഓൺലൈൻ വഴി മന്ത്രിസഭായോ​ഗം ചേരുന്നത്. 

മന്ത്രിമാർ സ്വന്തം വീടുകളിലോ ഓഫീസുകളിലോ  ഇരുന്ന് ഓൺലൈനായിട്ടാവും യോ​ഗത്തിൽ പങ്കെടുക്കുക. കോവിഡ് രൂക്ഷമാകുന്ന പശ്ചാത്തലത്തിൽ വീണ്ടും സമ്പൂർണ്ണ ലോക്ക്ഡൗൺ ഏർപ്പെടുത്തണമോ എന്നതിൽ മന്ത്രിസഭ തീരുമാനമെടുക്കും. സംസ്ഥാനത്ത് സ്വീകരിക്കേണ്ട തുടർ നടപടികളും യോ​ഗം ചർച്ചചെയ്യും. 

അതേസമയം സമ്പൂർണ്ണ ലോക്ക്ഡൗൺ വേണ്ടെന്നാണ് സർക്കാർ വിളിച്ചുചേർത്ത സർവകക്ഷിയോ​ഗത്തിൽ ഉണ്ടായത്. ഇക്കാര്യം വ്യക്തമാക്കിയ മുഖ്യമന്ത്രി, എന്നാൽ സ്ഥിതി​ഗതികൾ രൂക്ഷമായാൽ വീണ്ടും അടച്ചിടാൻ മടിക്കില്ലെന്ന് സൂചിപ്പിക്കുകയും ചെയ്തിരുന്നു. 

നേ​ര​ത്തെ കോ​വി​ഡ് മൂ​ലം നി​യ​മ​സ​ഭാ സ​മ്മേ​ള​നം മാ​റ്റി​യി​രു​ന്നു. നിയമസഭാ സമ്മേളനം മാറ്റിയ സാഹചര്യത്തിൽ ധവബിൽ പാസ്സാക്കുന്നതിന് ഓർഡിനൻസ് പുറത്തിറക്കുന്നത് അടക്കം മന്ത്രിസഭായോ​ഗം തീരുമാനമെടുക്കും.