തിരുവനന്തപുരം: യൂണിവേഴ്‌സിറ്റി കോളേജില്‍ നിന്ന് ഉത്തരക്കടലാസ് കണ്ടെത്തിയത് ഉള്‍പ്പെടെയുളള വിഷയങ്ങളില്‍ വീണ്ടും ഗവര്‍ണറുടെ ഇടപെടല്‍.യൂണിവേഴ്‌സിറ്റി കോളേജിലെ മുന്‍ എസ്എഫ്‌ഐ യൂണിറ്റ് പ്രസിഡന്റ് ശിവരഞ്ജിത്തിന്റെ വീട്ടില്‍ നിന്നും യൂണിവേഴ്‌സിറ്റി കോളേജില്‍ നിന്നും ഉത്തരക്കടലാസുകള്‍ കണ്ടെത്തിയ സംഭവത്തില്‍ ഗവര്‍ണര്‍ പി സദാശിവം കേരള സര്‍വകലാശാല വൈസ് ചാന്‍സലറെ വിളിപ്പിച്ചു. ഇന്ന് വൈകീട്ട് നാലുമണിക്ക് രാജ്്ഭവനിലെത്തി വിശദാംശങ്ങള്‍ ബോധിപ്പിക്കാനാണ് നിര്‍ദേശം. കഴിഞ്ഞദിവസം വിഷയത്തില്‍ വൈസ് ചാന്‍സലറോട് ഗവര്‍ണര്‍ റിപ്പോര്‍ട്ട് തേടിയിരുന്നു.
ഉത്തരക്കടലാസുകള്‍ കണ്ടെത്തിയ സംഭവത്തിന് പുറമേ പിഎസ്‌സി കോണ്‍സ്റ്റബിള്‍ പരീക്ഷയില്‍ ശിവരഞ്ജിത്തിന് റാങ്ക് കിട്ടിയതിലും ദുരുഹത തുടരുകയാണ്. ഇതില്‍ പിഎസ് സി ചെയര്‍മാനെയും ഗവര്‍ണര്‍ വിളിപ്പിച്ചിട്ടുണ്ട്. തിങ്കളാഴ്ച പരീക്ഷയുടെ വിശദാംശങ്ങളുമായി രാജ്ഭവനിലെത്താനാണ് ഗവര്‍ണര്‍ നിര്‍ദേശിച്ചിരിക്കുന്നത്.
കഴിഞ്ഞദിവസം യൂണിവേഴ്‌സിറ്റി കോളേജില്‍ നിന്നും കണ്ടെടുത്ത ഉത്തരക്കടലാസുകള്‍ കേരള സര്‍വകലാശാലയുടേതാണെന്ന് പരീക്ഷാ കണ്‍ട്രോളര്‍ വ്യക്തമാക്കിയിരുന്നു. ഇതുസംബന്ധിച്ച് സിന്‍ഡിക്കേറ്റിന് പരീക്ഷാ കണ്‍ട്രോളര്‍ റിപ്പോര്‍ട്ടും നല്‍കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
