വോട്ടർ പട്ടിക പരിശോധന പൂർത്തിയാക്കാൻ സമയം നീട്ടി, വെള്ളിയാഴ്ച വരെ വിവരങ്ങൾ ചേർക്കാം  

വെള്ളിയാഴ്ച്ചയോടകം വെബ്സൈറ്റിൽ വിവരങ്ങൾ അപ്ലോഡ് ചെയ്യാനാണ് നിർ​ദേശം
വോട്ടർ പട്ടിക പരിശോധന പൂർത്തിയാക്കാൻ സമയം നീട്ടി, വെള്ളിയാഴ്ച വരെ വിവരങ്ങൾ ചേർക്കാം  
Updated on: 
1 min read

തിരുവനന്തപുരം: തദ്ദേശഭരണ തിരഞ്ഞെടുപ്പ് വോട്ടർ പട്ടികയിലെ ആക്ഷേപങ്ങളും പരാതികളും സംബന്ധിച്ച പരിശോധന പൂർത്തിയാക്കാൻ‌ അനുവദിച്ചിരുന്ന സമയം നീട്ടി. സംസ്ഥാന തിരഞ്ഞെടുപ്പ് കമ്മിഷൻ ഇലക്ടറൽ രജിസ്ട്രേഷൻ ഓഫീസർമാർക്ക് നാളെ വരെ നൽകിയ സമയം 25 വരെ നീട്ടി. 

വെള്ളിയാഴ്ച്ചയോടകം വെബ്സൈറ്റിൽ വിവരങ്ങൾ അപ്ലോഡ് ചെയ്യാനാണ് നിർ​ദേശം. 26നു പുതുക്കിയ വോട്ടർപട്ടിക പ്രസി​ദ്ധീകരിക്കും. പട്ടികയിൽ പേരു ചേർക്കാനും താമസം മാറ്റിയവർക്ക് അതനുസരിച്ച് വാർഡ് മാറ്റാനും ഒരു അവസരം കൂടി നൽകണമെന്ന് കമ്മീഷൻ രാഷ്ട്രീയ പാർട്ടികളെ അറിയിച്ചിട്ടുണ്ട്. 

പട്ടികയിൽ ഉൾപ്പെട്ടിട്ടില്ലാത്തവർക്ക് പേരു ചേർക്കാനുള്ള അവസരം ഓഗസ്റ്റ് 12 മുതലാണ് ആരംഭിച്ചത്. www.lsgelection.kerala.gov.in വെബ്സൈറ്റിലാണ് അപേക്ഷ നൽകേണ്ടത്. വോട്ടർമാർക്ക് ഓൺലൈനായി തന്നെ അപേക്ഷകൾ സമർപ്പിക്കാം. മരിച്ചവരുടെ പേര്‌ ഉദ്യോഗസ്ഥർ സ്വമേധയാ ഒഴിവാക്കും.‌ 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER