കൊച്ചി: ശബരിമലയില്‍ പോകുന്ന വാഹനങ്ങള്‍ക്ക് പൊലീസ് പാസ് നിര്‍ബന്ധമാക്കുന്നതിനെതിരെ ഹൈക്കോടതിയില്‍ ഹര്‍ജി. സര്‍ക്കാര്‍ നടപടി സഞ്ചാര സ്വാതന്ത്ര്യത്തിന്റെ നിഷേധമാണെന്ന് ഹര്‍ജിയില്‍ ചൂണ്ടിക്കാട്ടുന്നു. ശബരിമലയില്‍ ഏര്‍പ്പെടുത്തുന്ന നിരോധാനാജ്ഞ അധികാര ദുര്‍വിനിയോഗമാണെന്നും ഹര്‍ജിയില്‍ പറയുന്നു. തൃശൂര്‍ സ്വദേശി സുനില്‍ കുമാറാണ് ഹര്‍ജി നല്‍കിയത്. ഹര്‍ജി ബുധനാഴ്ച കോടതി പരിഗണിക്കും.
മണ്ഡല- മകരവിളക്ക് കാലത്ത് സുരക്ഷാ ക്രമീകരണങ്ങളുടെ ഭാഗമായാണ് സര്‍ക്കാര്‍ എല്ലാ വാഹനങ്ങള്‍ക്കും പാസ് ഏര്‍പ്പെടുത്തിയത്. ശബരിമലയിലേക്ക് വരുന്നവര്‍ അവരവരുടെ പൊലീസ് സ്റ്റേഷനില്‍ നിന്ന് ലഭിക്കുമന്ന പാസുമായി വേണം യാത്ര പുറപ്പെടാന്‍. പൊലീസ് പാസില്ലാത്ത വാഹനങ്ങള്‍ക്ക് പാര്‍ക്കിങ് അനുവദിക്കില്ലെന്നും സര്‍ക്കാര്‍ വ്യക്തമാക്കിയിരുന്നു.
നിലയ്ക്കലില്‍ വാഹനങ്ങള്‍ നിര്‍ത്തിയിടുന്നതിനാണ് അതാത് പ്രാദേശിക പൊലീസ് സ്‌റ്റേഷനുകളില്‍ നിന്നുളള അനുമതി പാസ് നിര്‍ബന്ധമാക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
